Серіктестермен жоба бойынша барлық жұмыс пакеттері егжей-тегжейлі түсіндірілді, сондай-ақ болашақ кездесулердің күндері белгіленді, әрбір жұмыс пакеті бойынша жұмыстардың алдын ала жоспар-кестесі талқыланды.
Жоба бойынша 3 комитет құрылды: Жобаларды басқару комитеті (PMC), Халықаралық консультативтік-бағалау кеңесі (IAEB), Сапаны қамтамасыз ету жөніндегі ішкі комитет (IQAC). Белгіленген мерзімде комитеттер құрамына әр университеттен кандидатуралар ұсынылды.
Талқыланды:
- Х.Досмұхамедов атындағы Атырау университеті басшылығы қол қойған серіктестік туралы келісімнің тармақтары талқыланды және Кошицадағы техникалық университетке жіберілді;
- Еуропалық серіктестермен әзірленген ЖОО-ның болашақ сын-тегеуріндерге дайындығын талдау әдіснамасы;
- 2021 жылдың шілдесіне дейін барлық онлайн кездесулер, сапарлар мен тренингтер үшін күндер.
