Мәскеудегі бастапқы кезедсу
«Өмір бойы оқыту арқылы тұрақты дамуды үйрену» SUSDEV жобасы бойынша алғашқы үйлестіру кездесуі 2017 жылдың 18 және 21 ақпан аралығында Ресей Федерациясының Мәскеу қаласындағы геодезия және картография Мәскеу мемлекеттік университетінде өткізілді. Кездесуде жобаның ұйымдастырушылық сұрақтары талқыланды.
Алғашқы кездесуде серіктес мемлекеттер ЖОО-ның жетекші өкілдері де қатысты, олар: Қазақстаннан – Қазақ Ұлттық аграрлық университеті, Жәңгір-Хан атындағы Батыс-Қазақстан аграрлық-техникалық университеті, Х.Досмухамедов атындағы Атырау мемлекеттік университеті, А.Байтұрсынов атындағы Қостанай мемлекеттік университеті, М.Х.Дулати атындағы Тараз мемлекеттік университеті және С.Сейфуллин атындағы Қазақ агротехникалық университеті.
Ресей Федерациясынан – Н.Вавилов атындағы Саратов мемлекеттік аграрлық университеті, Мәскеу мемлекеттік Тағам өндіру университеті, Омск дизайн және технология университеті, геодезия және картография Мәскеу мемлекеттік университеті, Жерді басқару мемлекеттік университеті, Тула мемлекеттік университеті, К.Темирязев атындағы Ресей мемлекеттік аграрлық университеті, Сібір мемлекеттік университеті, РФ Білім және Ғылым министрлігі және «Агротех-Семена» компаниясы қатысты.
Сондай-ақ кездесуге басқа елдердің өкілдері де қатысты, олар: Табиғи ресурстар және қолданбалы ғылымдары Вена университеті (Австрия), Ягеллон университеті, Жаратылыстану ғылымдары Варшава университеті (Польша), Коимбра политехникалық университеті (Португалия).
Кездесудің алғашқы күні барлық қатысушылар өздерінің баяндамалары мен презентацияларын қорғады. Жоба үйлестірушісі Стефан Игнар (Жаратылыстану ғылымдары Варшава университеті) жобаның мақсаты мен міндеттерін айтып, жобаға қатысты туындаған сұрақтарға жауап бере отырып, күтілетін нәтижелер туралы толық түсіндіріп берді. Сондай – ақ Ягеллон университетінен Марек Франковичте жобаның басты мақсатын, жобаның күтілетін нәтижелері туралы баяндамасын таныстырды. Жоба келесідей бағыттарды қамтиды: “Азық-түлік секторы”, “Жер ресурстары” және “Экология”.
Сондай-ақ, бұл кездесуде қатысушылардың өз университетін таныстыра отырып, өзінің осы жобадағы рөлі мен жобаның маңызы туралы да айтуға да мүмкіндіктері болды. Осыдан кейін әртүрлі бағыт бойынша мемлекеттерден үйлестірушілері анықталып, жобаның маңызды тұстары талқыланды, дауыс беру арқылы логотиптер таңдалды.
Алғашқы кездесудің нәтижесі бойынша 2017 жылдың 31 наурызына дейін келесі сұрақтар бойынша ақпараттар ұсыну туралы шешім қабылданды:
- ЕК-дағы тенденциялар мен ағымдағы әл ауқатына талдау жүргізу;
- Серіктес мемлекеттердегі тенденциялар мен ағымдағы әл ауқатына талдау жүргізу;
- Қызығушылық танытқан тұлғалардың пікіріне талдау жүргізу, олар: жұмыс берушілер, кәсіби ұйымдар және т.б.
Сондай-ақ, жиналыстың нәтижесінде жобаны іске асырудағы алдағы жоспарлар бір ауыздан келісім тауып, жүргізілетін жұмыстарға түрлі ұсыныстар да қарастырылды.
Жобаның негізгі міндеттері әдістемелік семинарда талқыланатын болады. Жоба басшылары мен оның ұйымдастырушыларының шешімі бойынша әдістемелік семинарды Дублин (Ирландия) қаласында 2017 жылдың 23 және 27 сәуір аралығында өткізіледі (24-25-26 сәуір – жұмыс күндері, 23 және 27 сәуір – келу және кету күндері).
Әдістемелік семинардың мақсаты: жобаға қатысатын ЖОО-ның жетекшілерімен келісімшартқа қол қою; Еуропа кеңістігіндегі жоғары білім берудегі “Жасыл саясат және практика” идеясын серіктес мемлекеттерде де қолдануды талдау.
