Құрметті әріптестер!!!

Сіздерді 2021 жылғы 24-26 мамырда онлайн режимде өтетін «Әкімшілік құқық және әкімшілік юрисдикция» атты Халықаралық симпозиум жұмысына қатысуға шақырамыз.

Стамбул Сауда университетінің базасында өтетін Халықаралық симпозиум Стамбул университеті заң факультетінің Әкімшілік құқық және ғылымдары зерттеу-қолдану орталығымен, Бұхара мемлекеттік университетімен, Баку мемлекеттік университетімен, Л.Н. Гумилев атындағы Еуразия ұлттық университетімен, әл-Фараби атындағы Қазақ ұлттық университеті, Х.Досмұхамедов атындағы Атырау университеті және Халықаралық көзқарас университетімен бірлесе ұйымдастыруда.

«Әкімшілік құқық және әкімшілік юрисдикциядағы жаңа жетістіктер» тақырыбындағы «Әкімшілік құқық және әкімшілік юрисдикция» атты Халықаралық симпозиум – 2021 әкімшілік құқық пен әкімшілік құқық құзіреттілігіндегі жаңа жетістіктер мен әкімшілік құқық құзіреттілігіндегі құқық қорғау бағытындағы ұсыныстар бойынша ғылыми пікірталас алаңын ұсынуды және ақпарат алмасуды мақсат етеді.

Халықаралық симпозиум жұмысына әкімшілік құқық пен әкімшілік юрисдикция саласында тәжірибелі ғалымдармен бірге академиялық ортадан тыс секторлардың өкілдері де қатыса алады. Симпозиум түрікше өткізілгенімен, баяндамалар ағылшын, орыс, қазақ, өзбек және әзірбайжан тілдерінде де қабылданады.

Халықаралық симпозиумға баяндама тезисін қабылдау 2021 жылғы 20 сәуірге дейін жүзеге асырылады.

Халықаралық симпозиумға баяндама ұсыну үшін қатысушы  isalaj2021.istanbulticaret.edu.tr өтінім толтыруы қажет.

Өтінімде баяндама тақырыбы, әдіснамасы, жұмыстың негізгі идеясы мен тұжырымдарын қамтыған қысқа мазмұны (ең көп 500 сөз) және 6 түйінді сөз, сондай-ақ қатысушының аты-жөні, атағы және байланыс мәліметтері болуы тиіс.

 

Маңызды күндер:

Тезисті тапсырудың соңғы мерзімі: 20 сәуір 2021 ж.

Қабылданған тезистер туралы хабарландыру: 30 сәуір 2021 ж.

Толық құжаттар қабылдау мерзімі: 15 мамыр 2021 ж.

Симпозиум бағдарламасын жариялау күні: 17 мамыр 2021 ж.

Симпозиум өтетін күні: 24-26 мамыр 2021 ж.

Тізімге қайта оралу