2020 жылдың 17 қарашасында сағат 15.00-де (Атырау уақытымен) Х.Досмұхамедов атындағы Атырау университетінде Мемлекеттік «Дарын» жастар сыйлығының лауреаты, ҚР Мәдениет қайраткері, Қазақ радиосы директорының орынбасары - «Шалқар» радиосының директоры, журналист, саяси ғылымдарының кандидаты Болатбек Төлепбергеннің журналистерге арналған «Шалқар радиосының тәжірибесіндегі: тікелей эфир табиғаты» атты ZOOM платформасында шеберлік сабағы өтеді.

"/> Хабарландыру!

Хабарландыру!

2020 жылдың 17 қарашасында сағат 15.00-де (Атырау уақытымен) Х.Досмұхамедов атындағы Атырау университетінде Мемлекеттік «Дарын» жастар сыйлығының лауреаты, ҚР Мәдениет қайраткері, Қазақ радиосы директорының орынбасары - «Шалқар» радиосының директоры, журналист, саяси ғылымдарының кандидаты Болатбек Төлепбергеннің журналистерге арналған «Шалқар радиосының тәжірибесіндегі: тікелей эфир табиғаты» атты ZOOM платформасында шеберлік сабағы өтеді.

Модератор: журналистика кафедрасының меңгерушісі, ф.ғ.к., қауымдастырылған профессор Мәншүк Тынышқалиқызы Мұқашева.

Ұйымдастырушы: Журналистика кафедрасы

Идентификатор: 564 3937550 пароль: 2020

Автор туралы мәлімет:

Болатбек Көрпебайұлы   Төлепберген  1974 ж. Жамбыл облысы Сарысу ауданы «Жайылма» ауылында дүниеге келген. 1991 жылы ауылдағы орта мектепті күміс медальға бітіріп, 1991-1996 жылдары Әл-Фараби атындағы ҚазҰУ-дың журналистика факультетін тамамдаған.

Еңбек жолын 1992-1994 жылдары «Өркен» және «Жас алаш» газеттерінің тілшісі болып бастаған. 1994-1996 жылдары «Қазақ әдебиеті» газетінің бөлім меңгерушісі,1996-1998 жылдары «Зерде» журналы бас редакторының орынбасары,1998-2000 жылдары «Жалын» журналы бас редакторының орынбасары, 2000-2001 жылдары «Асар» жастар газетін ұйымдастырушы, бас редакторы, 2002-2005 жылдары «Журналист» газетінің редакторы болды. 2010 жылы философия ғылымдарының кандидаты ғылыми дәрежесін қорғаған. Қазір Қазақ радиосы директорының орынбасары - «Шалқар» радиосының директоры.

Ұлттық мәселелер, тарихи ақтаңдақтар және демократия принциптері турасында өз авторлығымен және құрастыруымен он бес кітапты жарыққа шығарған. 2004 жылы «Көшкен күннің бояуы» публицистикалық кітабы, 2006 жылы «Біз білмейтін желтоқсан» кітабы, 2006 жылы «Желтоқсан-86» он томдық естеліктер, құжаттар, мақалалар жинағы" (құрастырушы авторы), 2007 жылы «1937-2007:Тауқымет пен тағзым» жинағы, 2008 жылы «Мәңгі жас Алаш идеясы» кітабы, 2009 жылы «Ұлтым деп соққан жүректер» жинағы, 2010 жылы «Желтоқсан қарлығаштары» кітабы, 2011 жылы «Ұлттық идея – тәуелсіздік тұғыры» кітабы, 2012 жылы «Қасиеттім-Желтоқсан!» және 2015 жылы «Біз осы не бітіріп жүрміз?» кітаптары жарық көрді. Сондай-ақ 2008 жылы оның жетекшілігімен елдегі оралман ағайындар жайлы «Сүйікті менің отаным» атты деректі фильм көрерменге жол тартты. Ол барлық туындыларында ұлттық құндылықтар мен қазақ мәселесіне қалам тербеп келеді. Ағарту бағытында республикалық БАҚ-да мақалалар жазып, теледидар мен радиода ұлттық бағыттағы насихат жұмыстарын жүргізеді.

Ұлт мәдениеті мен тарихына қатысты бірнеше халықаралық, республикалық ғылыми-теориялық конференциялар мен дөңгелек столдарды ұйымдастырушы. Оның ішінде Алашқа қатысты конференциялар, Дәстүрлі музыка орындаушыларының республикалық I-ші құрылтайы, репрессия, желтоқсан және оралмандар мәселелеріне орайғы дөңгелек столдар бар.

Болатбек Төлепберген - Қазақстан Жазушылар Одағы мен «Атамұра» корпорациясының жазушы Оралхан Бөкей атындағы стипендиясының тұңғыш иегері (1993), «Сорос-Қазақстан» жас жазушылар бәйгесінің жүлдегері (1996), Қазақстан Жастар Одағы сыйлығының лауреаты (2003), «Астананың 10 жылдығы» мерекелік медалінің иегері (2008), Мемлекеттік «Дарын» жастар сыйлығының лауреаты (2008) және ҚР Мәдениет қайраткері (2009) және ҚР Президентінің журналистика саласы бойынша сыйлығының лауреаты (2011). Қазақстан Жазушылар Одағы мен Журналистер Одағының мүшесі.



 

ПІКІРЛЕР

Тізімге қайта оралу

Құрметті мектеп бітірушілер, ата-аналар және педагог-кәсіптік бағдар берушілер!

14 Май 2024 25

2024 жылы 16-17 мамыр аралығында Х.Досмұхамедов атындағы Атырау университетінде жоғары білім көрмесі мен форумы өтеді.

Құрметті бітіруші курс студенттері!

13 Май 2024 25

Сіздерді 15 мамыр күні сағат 15:00-де өтетін "Жас маман-2024" бос жұмыс орындары жәрмеңкесіне шақырамыз!

Хабарландыру!

10 Май 2024 45

«Жоғары білім берудегі интернационалдандыру: жаһандық қиындықтар мен мүмкіндіктерді шарлау», Ондокуз Майыс университеті, Түркия халықаралық конференциясына өтінімдерді қабылдау туралы хабарландыру

АҚПАРАТТЫҚ ХАБАРЛАМА

4 Май 2024 86

Әлкей Марғұланның 120 жылдығына арналған Халықаралық ғылыми-практикалық конференциясына қатысуға шақырамыз

Жас кәсіпкерлерге арналған көмек

30 Апр 2024 100

Жас кәсіпкерлер үшін тамаша мүмкіндік. Егер сіздің жасыңыз 21-35 жас аралығында болса, жас кәсіпкерлер 5 000 000 теңгеге дейін қайтарымды қаржылай көмек алуға болады.