Барлық факультеттер мен ғылыми орталықтардың назарына!

2019 жылғы студенттердің ең үздік ғылыми жұмысы республикалық байқауының және республикалық пәндік олимпиадалар жеңімпаздарын құттықтаймыз!

Құрметті әріптестер, студенттер мен магистранттар!

Сіздерді 27 мамыр, сағат 15.00-де университеттің Ғылыми кеңес залында өткізілетін 31 мамыр кеңес кезіндегі Қазақстандағы жаппай ашаршылық пен саяси қуғын-сүргін құрбандарын еске алу күніне арналған «Тарихтан тағылым – өткенге тағзым» атты «дөңгелек үстелге» шақырамыз. Шараға облыстың мемлекеттік органдар мен қоғамдық ұйымдардың басшылары, ғылыми-сарапшылық қауымдастығы, жоғарғы оқу орындарының профессорлік-оқытушылық құрамы мен студент жастары, Атырау облысы Қазақстан халқы Ассамблеясы жанындағы ғылыми-сараптамалық тобының мүшелері, этномәдени бірлестіктердің басшылары мен мүшелері, БАҚ өкілдері, саяси қуғын-сүргін құрбандарының ұрпақтары қатысады.

Ректорат,
Қазақстан халқы Ассамблеясы институты

Climate Launchpad халықаралық байқауы

«Ғылым қоры» АҚ (Ғылым қоры) NU Green Campus және «Назарбаев Университет» ДББ «Astana Business Campus» инновациялық кластерімен бірлестікте қазақстандық ғалымдар мен кәсіпкерлерге  Climate Launchpad 2019 халықаралық байқауына қатысуды ұсынады.

Құрметті Атырау университетінің профессор-оқытушылары мен қызметкерлері!

Сіздерді 12 сәуір - Қазақстан Республикасының ғылым саласының қызметкерлері күнімен шын жүректен құттықтаймын.

Х.Досмұхамедов атындағы Атырау мемлекеттік университеті – өзіндік салт-дәстүрі бай, көпжылдық білім саласындағы және ғылыми жұмыстарда тәжірибесі мол бірден-бір жоғары оқу орны.

Қазақстанның ғылыми әлеуеті қашанда жоғары екенін, біз шын мәнінде ғылым саласында біртұтас мектептің негізін салған, өзінің ғылыми арнасында айтулы жетістіктерге қол жеткізген ғалымдарымызбен мақтана аламыз.

Университет жоғарғы білікті мамандарды даярлауға, ғылыми зерттеулерді дамытуға бағытталатын кең көлемдегі білім, ғылыми, рухани-тәрбиелік негізге ие. Бүгінгі таңда Атырау университеті алуан түрлі мамандықтарды ұсынатын білім ордасы болумен қатар еліміздің ғылыми-зерттеу әлеуетін жұмылдыру мен зерттеу жұмыстарын халықаралық деңгейге көтеріп, оны тәжірибе жүзінде жүзеге асыруды қамтамасыз етіп отырған ұжым болып табылады.

Құрметті Атырау университетінің профессор-оқытушылары мен қызметкерлері!

Сіздерді кәсіби мерекелеріңізбен құттықтай отырып, сіздерге зерттеушілік ізденістер мен жаңа ғылыми жетістіктер тілеймін.

Құрметпен,
Х.Досмұхамедов атындағы Атырау мемлекеттік университетінің ректоры,
химия ғылымдарының докторы, профессор А.Талтенов