- Басты бет
- Күнтізбе
- Хабарландыру!
- АКАДЕМИК ШАХМАРДАН ЕСЕНОВ АТЫНДАҒЫ ШӘКІРТАҚЫ БАЙҚАУЫ
АКАДЕМИК ШАХМАРДАН ЕСЕНОВ АТЫНДАҒЫ ШӘКІРТАҚЫ БАЙҚАУЫ
Академик Шахмардан Есенов атындағы ғылыми білім беру қоры тағайындаған жиырма* атаулы шәкіртақыны ұсынуға байқау жариялайды. Шәкіртақының төлену мерзімі 12 ай (2018 ж. Мамыр айынан 2019 ж. Наурыз айына дейін). ЕРЕЖЕ
Қазақстан азаматы болып келетін үміткерлер қазақстандық университеттердің 2-3 курс бакалавриат немесе 1-курс магистратураның студенті болуы тиіс.
Байқауға геологиялық, техникалық, инженерлік және ІТ мамандықтарында оқып жатқан студенттер қатыса алады:
Байқауға күндізгі бюджеттік және бюджеттік емес оқу бөлімінің білімгерлері қатыса алады.
Ай сайынғы шәкіртақы көлемі — 25 000 теңге. Бағдарлама бойынша шәкіртақының тағайындалуы білімгердің мемлекеттік, соның ішінде ұлғайтылған шәкіртақыны қоса алу құқығын жоймайды.
Шәкіртақы алушыларды іріктеу төмендегі талаптарға сай болған студенттер арасынан өткізіледі:
- ағымдағы оқу жылында үлгерімі «өте жақсы» бағалардың саны (GPA 3-тен кем болмауы қажет);
- студенттік ғылыми-техникалық конференцияларға белсенді түрде қатысуы;
- университеттің/институттың қоғамдық өмірінде белсенді түрде қатысатын білімгерлер,
Студенттердің іріктелуі төменде келтірілген екі тур бойынша Сарапшылар кеңесімен өткізіледі. Сарапшылар кеңесінің шешімін Қордың Қамқоршылар кеңесі тексеріп бекітеді.
Шәкіртақы ізденушісі байқауға қатысу үшін 2018 жылдың 4-наурызына дейін келесі құжаттарды қордың info@yessenovfoundation.org электрондық поштасына тапсыруы қажет:
• өтінім, үлгі бойынша (Қор сайтынан yessenovfoundation.org жүктеледі);
• ғылыми жетекшіңіздің ұсынымы (бакалавриат/магистратура бағдарламасының жетекшісі, кафедра меңгерушісі);
• «Қазақстанның білім және ғылым салаларына қосатын үлесіңіз қандай болмақшы? Сіз үшін маңыздысы не? Неліктен?» атты тақырыпқа ынталандыру жолданымыңыз (жолданым формасы шектелмеген: аудио, видео, жазбаша);
• жеке куәлігіңіздің көшірмесі;
• транскрипт (ортақ балл 3-тен кем емес);
• магистратура білімгерлері үшін жоғары білімі жөніндегі дипломның көшірмесі (бакалавр, маман).
Байқау 2 (екі) турдан тұрады. Ш.Есенов атындағы шәкіртақының 20 (жиырма) иегерінің тізімі сәуірдің ортасына дейін жарияланады.
Байқауға қатысу үшін өтінімді берумен студент өзінің жеке мәліметтерін өңдеуге келісімін автоматты түрде береді.
*Бағдарлама міндетті түрде ҚазҰТЗУ-дың (Қ.Сатпаев атындағы ҚазҰТУ) 2 (екі) білімгерінің шәкіртақы алуын ұйғарады. Академик Ш.Есенов дәріс берген, қазірде оның атаулы жұмыс бөлмесі бар университеттің ең үздік 2 білімгерінің шәкіртақы алуына мүмкіндігі болуы тарихи түрде қалыптасқан үрдіс.
Ұқсас материалдар
Хабарландыру!
2023 жылдың 21 сәуірінде Х. Досмұхамедов атындағы Атырау университеті көрнекті ғалым, қоғам және мемлекет қайраткері, профессор Х.Досмұхамедовтың туғанына 140 жыл толуына арналған «Халел Досмұхамедов мұрасы және қазіргі қазақ қоғамы» атты республикалық ғылыми-практикалық конференция өткізеді.
Хабарландыру!
2023 жылдың 31 наурыз күні «Х.Досмұхамедов атындағы Атырау университеті» КеАҚ Физика, математика және ақпараттық
технологиялар факультеті Атырау облысы мен Атырау қаласындағы жалпы орта білім беретін мектептердің 11-сынып оқушылары арасында математика, физика, информатика пәндері бойынша пәндік олимпиада өткізеді.
Yessenov Data Lab 2023
Жас ғалымдар үшін деректерді талдау онлайн мектебіне 20 грант
Yessenov Data Lab 2023 – бұл қазақстандық жас ғалымдардың алған білімдерін әрі қарай қолдану үшін, үлкен деректерді талдаудың базалық дағдыларына нақты практикалық жұмыстарда үйрету, сондай-ақ олардың коммуникативтік дағдыларын дамытуға бағытталған 4 апталық онлайн-интенсив.
Мектепті өткізу мерзімі: 12 маусым - 8 шілде 2023.
Құрметті оқытушылар, докторанттар мен магистранттар!
ҚР Президенті жанындағы Қазақстанның стратегиялық зерттеулер институты Сіздерді ғылыми журналдарға жарияланым жасаға шақырады!
ХАБАРЛАНДЫРУ!
Атырау облысы Әділет департаментінің ұйымдастыруымен Мемлекет кепілдік берген заң көмегін көрсету бойынша Атырау облыстық адвокаттар алқасының адвокаттары Атырау университетінің қызметкерлері мен студенттеріне құқықтық кеңес береді.
ПІКІРЛЕР