Хабарландыру!

«Халел Досмұхамедов атындағы Атырау университеті» коммерциялық емес акционерлік қоғамы «Халел Досмұхамедов атындағы Атырау университеті» коммерциялық емес акционерлік қоғамының Басқарма мүшесі – академиялық мәселелер жөніндегі проректоры бос лауазымына орналасуға Жалғыз акционердің қарауы және осы лауазымға тағайындауы үшін құжаттарды қабылдағаны туралы хабарлайды.

Қызметтің негізгі мәні жоғары және жоғары оқу орнынан кейінгі білім беру саласында білім беру қызметтерін ұсыну болып табылады.

Қызметтің мақсаты ұлттық және жалпыадамзаттық құндылықтар, ғылым мен практика жетістіктері негізінде тұлғаны қалыптастыруға, дамытуға және кәсіби қалыптастыруға бағытталған сапалы білім алу, оқыту, сондай-ақ ғылыми әлеуетті дамыту және әзірлемелерді коммерцияландыру үшін қажетті жағдайлар жасау болып табылады.

Үміткерлерге қойылатын талаптар: жоғары және жоғары оқу орнынан кейінгі білім, тиісті салаларда білім беру ұйымдарында және (немесе) уәкілетті органдарда басшылық лауазымдарда кемінде 3 жыл жұмыс өтілі.

Байқауға келесі тұлғалар жіберілмейді:

1) жиырма бес жастан кіші;

2) бұрын сыбайлас жемқорлық құқық бұзушылық жасаған;

3) жойылмаған немесе алынбаған сотталғандығы бар адамдар;

4) медициналық арнайы мекемелерде есепте тұрған адамдар;

5) Қазақстан Республикасының заңнамасында көзделген өзге де жағдайлар.

Басқарма мүшесі – академиялық мәселелер жөніндегі проректор лауазымына үміткер келесі құжаттарды ұсынады:

1) белгіленген нысандағы өтініш;

2) өмірбаян, қызметтік тізім, сондай-ақ 3х4 көлеміндегі 2 фотосурет;

3) жеке басын куәландыратын құжаттың көшірмесі және салыстыру үшін түпнұсқасы;

4) жоғары немесе жоғары оқу орнынан кейінгі білімі туралы дипломның, сондай-ақ академиялық, ғылыми дәрежесі және/немесе ғылыми атағы туралы дипломның (бар болса) көшірмелері және салыстырып тексеру үшін түпнұсқалары. "Болашақ" халықаралық стипендиясын иеленуші Қазақстан Республикасының азаматтарына шетелдік жоғары оқу орындары, ғылыми орталықтары мен зертханалары берген білім туралы құжаттарды қоспағанда, Қазақстан Республикасы азаматтарының шетелдік білім беру ұйымдарында алған білімі туралы құжаттарының көшірмелеріне білім беру саласындағы уәкілетті орган берген аталған білімі туралы құжаттарды нострификациялау немесе тану куәліктерінің көшірмелері қоса беріледі сондай-ақ өзара тану және баламалылығы туралы халықаралық шарттың (Келісімнің) қолданылу аясына жататын;

5) қайта даярлау және біліктілікті арттыру туралы сертификаттардың көшірмелері (бар болса) және салыстырып тексеру үшін түпнұсқалары;

6) ғылыми жұмыстар мен өнертабыстардың тізімі (бар болса);

7) еңбек қызметін растайтын құжаттың нотариалдық куәландырылған немесе жұмыс орнынан кадр қызметімен куәландырылған көшірмесі;

8) Денсаулық сақтау ұйымдарының бастапқы медициналық құжаттама нысандарына сәйкес құжат тапсырғанға дейін алты айдан аспайтын уақытта берілген 075/е нысандағы денсаулығы туралы медициналық анықтама (дәрігерлік кәсіби-консультациялық қорытынды) (немесе нотариалдық куәландырылған көшірмесі);

9) "Психоневрологиялық ұйымнан анықтама беру" мемлекеттік көрсетілетін қызмет стандартына сәйкес нысан бойынша Психоневрологиялық ұйымнан анықтама;

10) "Наркологиялық ұйымнан анықтама беру" мемлекеттік көрсетілетін қызмет стандартына сәйкес нысан бойынша наркологиялық ұйымнан анықтама;

11) Қазақстан Республикасы Бас прокуратурасының Құқықтық статистика және арнайы есепке алу комитеті беретін адамның қылмыстық құқық бұзушылық жасағаны туралы есептер бойынша мәліметтердің болуы не болмауы туралы анықтама.

Құжаттарды қабылдау хабарландыру жарияланған күннен бастап 10 (он) күнтізбелік күн ішінде жүргізіледі.

Жоғарыда көрсетілген құжаттарды белгіленген мерзімде "Х. Досмұхамедов атындағы Атырау университеті" КЕАҚ Директорлар кеңесінің Корпоративтік хатшысына Атырау қаласы, Студенттер даңғылы, 1, Ғылыми кеңес залына ұсыну қажет, телефон: 8 (7122) 27-63-05, 87015633888.

Тізімге қайта оралу