«Халел Досмұхамедов атындағы Атырау университеті» коммерциялық емес акционерлік қоғамының Директорлар кеңесі Атырау қаласы Студенттер даңғылы, 1 мекенжайында орналасқан «Халел Досмұхамедов атындағы Атырау университеті» коммерциялық емес акционерлік қоғамының Басқарма мүшесі – бас бухгалтер бос лауазымға конкурс жариялайды.

"/> ХАБАРЛАНДЫРУ!

ХАБАРЛАНДЫРУ!

«Халел Досмұхамедов атындағы Атырау университеті» коммерциялық емес акционерлік қоғамының Директорлар кеңесі Атырау қаласы Студенттер даңғылы, 1 мекенжайында орналасқан «Халел Досмұхамедов атындағы Атырау университеті» коммерциялық емес акционерлік қоғамының Басқарма мүшесі – бас бухгалтер бос лауазымға конкурс жариялайды.

Қызметтің мақсаты ұлттық және жалпыадамзаттық құндылықтар, ғылым мен практика жетістіктері негізінде тұлғаны қалыптастыруға, дамытуға және кәсіби қалыптастыруға бағытталған сапалы білім алу, оқыту, сондай-ақ ғылыми әлеуетті дамыту және әзірлемелерді коммерцияландыру үшін қажетті жағдайлар жасау болып табылады.

Конкурсқа қатысушыларға қойылатын талаптар: кадрларды даярлаудың тиісті бағыты бойынша жоғары (немесе жоғары оқу орнынан кейінгі) білімнің болуы, кәсіби бухгалтер сертификатының болуы, қаржы-бухгалтерлік жұмыс саласында соңғы 5 жылдан кем емес жұмыс өтілі, оның ішінде басшылық лауазымдарда 1 жылдан кем емес жұмыс өтілінің болуы.

Байқауға келесі тұлғалар жіберілмейді:

1) жиырма бес жастан кіші;

2) бұрын сыбайлас жемқорлық құқық бұзушылық жасаған;

3) жойылмаған немесе алынбаған сотталғандығы бар адамдар;

4) медициналық арнайы мекемелерде есепте тұрған адамдар;

5) Қазақстан Республикасының заңнамасында көзделген өзге де жағдайлар.

Конкурсқа қатысу үшін уәкілетті органға келесі құжаттар қағаз және электрондық түрде ұсынылады:

1) нысан бойынша өтініш;

2) конкурсқа қатысушының жеке басын куәландыратын құжаттың көшірмесі;

3) 3х4 үлгідегі түрлі түсті суретпен 3-қосымшаға сәйкес нысан бойынша конкурсқа қатысушының қызметтік тізімі;

4) қызмет бағыттары бойынша жоғары оқу орнын дамыту бағдарламасы;

5) білімі туралы құжаттар мен олардың қосымшаларын салыстырып тексеру үшін көшірмелеріне қоса түпнұсқаларын ұсыну

6) жұмыс орны (қолданыстағы не соңғы) бойынша кадр қызметі куәландырған еңбек қызметін растайтын құжаттың көшірмесі;

7) № 075/у нысаны бойынша денсаулық жағдайы туралы медициналық анықтама (дәрігерлік кәсіби-консультациялық қорытынды);

8) мемлекеттік көрсетілетін қызметтер туралы заңнамаға сәйкес құжаттар ұсынылатын күнге дейін бір жылдан аспайтын уақытта берілген психоневрологиялық ұйымнан анықтама;

9) мемлекеттік көрсетілетін қызметтер туралы заңнамаға сәйкес құжаттар ұсынылатын күнге дейін бір жылдан аспайтын уақытта берілген наркологиялық ұйымнан анықтама;

10) қылмыстық заңнамаға сәйкес лауазымға орналасуға тыйым салудың жоқтығын растайтын құжат.

Конкурсқа қатысу үшін құжаттарды қабылдау хабарландыру жарияланған күннен бастап 10 (он) күнтізбелік күн ішінде жүргізіледі.

Байқаудың өтетін күні мен орны қосымша хабарланады. Жоғарыда көрсетілген құжаттарды белгіленген мерзімде «Халел Досмұхамедов атындағы Атырау университеті» коммерциялық емес акционерлік қоғамы директорлар Кеңесінің корпоративтік хатшысына Атырау қаласы, Студенттер даңғылы, 1, Ғылыми Кеңес залына жіберу керек, телефон: 8 (7122) 27-63-05, 87015633888.

 

ПІКІРЛЕР

Тізімге қайта оралу

Хабарландыру!

20 Сен 2023 5

2023 жылғы 20 қыркүйекте Астана қаласында Қазақстан халқы Ассамблеясы қолдауымен “Этносаралық қатынастар саласындағы мемлекеттік саясаттың жай-күйі мен перспективалары” тақырыбында жалпы республикалық ғылыми-практикалық конференция өтеді.

Хабарландыру!

20 Сен 2023 5

Құрметті әріптестер!

Қазіргі таңда мектепке дейін тәрбие беретін және оқытатын, орта, қосымша, сондай-ақ техникалық және кәсіптік білім беретін педагогтерге арналған кәсіптік стандарты талқылау жүргізіліп жатыр. Аталмыш құжатты талқылауға мамандарды, университеттің профессорлық-оқытушылар құрамын шақырамыз.

Хабарландыру!

19 Сен 2023 22

IDEP-ПЕН БІРГЕ АҒЫЛШЫН ТІЛІНДЕ ЕРКІН СӨЙЛЕ!

Көптілді білім беру факультетінің “IDEP” ағылшын тілі клубы өз жұмысын жалғастыруда. Клубтың мақсаты - студенттерге төмеңгі деңгейден бастап тегін ағылшын тілін үйрету.

Хабарландыру!

19 Сен 2023 135

  Құрметті әріптестер!  

Сіздерді 22 қыркүйек күні өтетін ұстаз, ғалым, қоғам қайраткері, педагогика ғылымдарының докторы, профессор Асхат Сәлімұлы Иманғалиевтің 70 жасына арналған “Білімді ұрпақ: ғылым мен білімнің тәжірибесі мен келешегі” атты халықаралық ғылыми-тәжірибелік конференция жұмысына қатысуға шақырамыз. Толық ақпаратты qr-код арқылы біле аласыздар!

Хабарландыру!

15 Сен 2023 34

Құрметті әріптестер және студенттер!

Сіздерді 18 қыркүйек күні Түркия Республикасының 100 жылдығы аясында Х.Досмұхамедов атындағы Атырау университетінде"Түрік тілі курсы" (TOMER) орталығының ашылу салтанатына шақырамыз!