Республикалық «Бір ел – бір кітап -2022» акциясы

Республикалық «Бір ел – бір кітап» акциясы ҚР Мәдениет министрлігінің қолдауымен ҚР Ұлттық академиялық кітапханасы және ҚР Кітапханашылар Ассоциациясы бастамасымен 2007 жылдан бастап өткізіліп келеді.
Акцияның мақсаты – ұлттық әдебиетіміздегі ең үздік деген туындыны оқу және насихаттау, Қазақстанның әдеби мұрасын зерттеуге деген қызығушылықты дамыту, қоғамның оқуға деген ықыласын көтеру, сонымен қатар жас өспірімдердің зияткерлік-рухани дамуына ықпал жасау.

Республикалық «Бір ел – бір кітап» акциясы ҚР Мәдениет министрлігінің қолдауымен ҚР Ұлттық академиялық кітапханасы және ҚР Кітапханашылар Ассоциациясы бастамасымен 2007 жылдан бастап өткізіліп келеді.

 Акцияның мақсаты – ұлттық әдебиетіміздегі ең үздік деген туындыны оқу және насихаттау, Қазақстанның әдеби мұрасын зерттеуге деген қызығушылықты дамыту, қоғамның оқуға деген ықыласын көтеру, сонымен қатар жас өспірімдердің зияткерлік-рухани дамуына ықпал жасау.

Биылғы жылы COVID пандемиясының жаңа штаммдарының таралуына байланысты жалпыхалық болып оқитын кітапты анықтау үшін әлеуметтік желілер арқылы онлайн режимінде дауыс беру әдісі пайдаланылды. ҚР Ұлттық академиялық кітапханасының Фейсбук және Инстаграм парақшасында 2022 жылы “Бір ел – бір кітап – 2022” республикалық акциясы аясында оқуға ұлт ұстазы Ахмет Байтұрсынұлы шығармаларын ұсыну бойынша сауалнама жарияланды.

Өздеріңізге белгілі биыл Ахмет Байтұрсынұлының 150 жылдығын ЮНЕСКО көлемінде және елімізде атап өтеді. Қазақ елі үшін Ахмет Байтұрсынұлы ерекше тұлға, ол мемлекет қайраткері, ғалым, ағартушы, ақын, публицист, ұлттық жазудың реформаторы, қазақ лингвистикасы мен әдебиеттанудың негізін қалаушы.

ҚР Ұлттық академиялық кітапханасының әлеуметтік желілерінде жарияланған сауалнамаға 60 мыңнан аса респондент қатысты. Сауалнаманы өз парақшаларында бөліскендердің статистикасын қоса есептегенде сауалнамаға 100 мыңға жуық респонденттер қатысты. Қорытындысында 2022 жылғы “Бір ел – бір кітап – 2022” республикалық акциясы аясында ұлт ұстазы Ахмет Байтұрсыновтың шығармаларын оқуға 100 пайыз қолдау көрсетілді. Осыған орай, Ахмет Байтұрсынұлының барлық шығармаларын жариялау туралы шешім қабылданды.

Оқырмандарға Ахмет Байтұрсынұлының шығармашылығын келесі бағыттар бойынша оқу ұсынылады:

             1.    Ахмет Байтұрсынұлының ғылыми мұрасы

             2.    Ахмет Байтұрсынұлының әдеби шығармалары

             3.    Ахмет Байтұрсынұлының қанатты сөздері

             4.    Қазіргі заманғы Ахметтану ғылымы

ЖЫЛ КІТАПТАРЫН БІРГЕ ОҚИЫҚ!

1. Әдебиет танытқыш: зерттеу мен өлеңдер.

2. Маса: өлеңдер мен көсемсөздер.

3. Қырық мысал: өлеңдер.

4. Ахмет Байтұрсынов Шығармалары.

5. Қазақ тіл білімінің мәселелері.

6. Әліпби: энциклопедиялық анықтамалық.

7. Жан сөзімді кім түсінер: өлеңдері мен аудармалары.

8. Байтұрсынұлы А. Жоқтау.

9. Көп томдық шығармалар жинағы.

10. Ғасыр саңлағы.

11. Ұлттың ұлы ұстазы

12. Алаш Алаш болғанда: естеліктер мен тарихи деректер.

13. Алаш қозғалысы: энциклопедиялық анықтамалық.

14. Тарихи тұлғалар тағылымы.

15. Арыстары Алаштың.

Тізімге қайта оралу