ХАБАРЛАНДЫРУ!
ҚҰРМЕТТІ ТАЛАПКЕРЛЕР!
Білім беру гранттарын тағайындау конкурсына қатысу үшін құжаттарды қабылдау 16 шілдеден басталып, 25 шілдеге дейін жалғасады, https://egov.kz/cms/ru - Электрондық Үкімет сайты арқылы электронды түрде жүзеге асырылады. Конкурс нәтижелерін жариялау - 15 тамызға дейін.
Оқуға түсушілер 6 мамыр мен 1 шілде аралығында өткен ҰБТ-ның екі нәтижесінің бірімен конкурсқа қатыса алады. Өтініш берген кезде талапкерлер электронды көшірмелерін тіркеуі керек:
аттестаттың;
аттестатқа қосымшаның;
электрондық құжат түріндегі 3×4 өлшемді сандық фотоның;
медициналық анықтама, форма 075;
конкурсқа қатысушының артықшылықтарын растайтын құжаттардың көшірмелерінін (бар болған жағдайда)
*Әр құжаттың электронды көшірмесі jpg, img форматында 5мгб аспайтын көлемде болуы керек!
Биылғы жылы білім беру гранттарын бөлу кезінде ҚР БҒМ алғаш рет халықтың әлеуметтік осал топтарына да төмендегідей квоталар бөлді:
Көпбалалы отбасылардың балаларына қажетті құжаттар (5%):
Туу туралы куәлік;
Ата-анасының құжаттары, жеке куәлігі;
Көпбалалы отбасыларға мемлекеттік жәрдемақы алу куәлігі.
Кемінде 3 жыл мәртебесі бар толық емес отбасылардың балаларына қажетті құжаттар (1%):
Туу туралы куәлік;
Ата-аналарының бірінің қайтыс болуы туралы куәлік/ажырасуы туралы куәлік.
Мүгедектігі бар балаларды тәрбиелеп отырған отбасылардың балалары үшін қажетті құжаттар (1%):
Туу туралы куәлік;
Толық немесе толық емес мүгедектігі бар бауырларының туу туралы куәлігі;
Бауырларының толық немесе толық емес мүгедектігі екендігін растайтын куәлігі.
ПІКІРЛЕР