ХАБАРЛАНДЫРУ

«Х.Досмұхамедов атындағы Атырау университеті» ҚеАҚ Басқарма мүшесі — ғылым және халықаралық байланыстар жөніндегі проректор бос лауазымына конкурс туралы ХАБАРЛАНДЫРУ 

«Халел Досмұхамедов атындағы Атырау университеті» коммерциялық емес акционерлік қоғамының Директорлар кеңесі Атырау қаласы Студенттер даңғылы, 1 мекенжайында орналасқан «Халел Досмұхамедов атындағы Атырау университеті» коммерциялық емес акционерлік қоғамының Басқарма мүшесі - ғылым және халықаралық байланыстар жөніндегі проректор бос лауазымға конкурс жариялайды.

Қызметтің мақсаты ұлттық және жалпыадамзаттық құндылықтар, ғылым мен практика жетістіктері негізінде тұлғаны қалыптастыруға, дамытуға және кәсіби қалыптастыруға бағытталған сапалы білім алу, оқыту, сондай-ақ ғылыми әлеуетті дамыту және әзірлемелерді коммерцияландыру үшін қажетті жағдайлар жасау болып табылады.

Конкурсқа қатысушыларға қойылатын талаптар: жоғары және жоғары оқу орнынан кейінгі білімінің болуы; тиісті салалардағы білім беру ұйымдарында және (немесе) уәкілетті органдарда басшылық лауазымдарда кемінде 3 жыл жұмыс өтілінің болуы.

Байқауға келесі тұлғалар жіберілмейді:

1) жиырма бес жастан кіші;

2) бұрын сыбайлас жемқорлық құқық бұзушылық жасаған;

3) жойылмаған немесе алынбаған сотталғандығы бар адамдар;

4) медициналық арнайы мекемелерде есепте тұрған адамдар;

5) Қазақстан Республикасының заңнамасында көзделген өзге де жағдайлар.

Конкурсқа қатысу үшін уәкілетті органға келесі құжаттар қағаз және электрондық түрде ұсынылады:

1) нысан бойынша өтініш;

2) конкурсқа қатысушының жеке басын куәландыратын құжаттың көшірмесі;

3) 3х4 үлгідегі түрлі түсті суретпен 3-қосымшаға сәйкес нысан бойынша конкурсқа қатысушының қызметтік тізімі;

4) қызмет бағыттары бойынша жоғары оқу орнын дамыту бағдарламасы;

5) білімі туралы құжаттар мен олардың қосымшаларын салыстырып тексеру үшін көшірмелеріне қоса түпнұсқаларын ұсыну

6) жұмыс орны (қолданыстағы не соңғы) бойынша кадр қызметі куәландырған еңбек қызметін растайтын құжаттың көшірмесі;

7) № 075/у нысаны бойынша денсаулық жағдайы туралы медициналық анықтама (дәрігерлік кәсіби-консультациялық қорытынды);

8) мемлекеттік көрсетілетін қызметтер туралы заңнамаға сәйкес құжаттар ұсынылатын күнге дейін бір жылдан аспайтын уақытта берілген психоневрологиялық ұйымнан анықтама;

9) мемлекеттік көрсетілетін қызметтер туралы заңнамаға сәйкес құжаттар ұсынылатын күнге дейін бір жылдан аспайтын уақытта берілген наркологиялық ұйымнан анықтама;

10) қылмыстық заңнамаға сәйкес лауазымға орналасуға тыйым салудың жоқтығын растайтын құжат.

Конкурсқа қатысу үшін құжаттарды қабылдау хабарландыру жарияланған күннен бастап 10 (он) күнтізбелік күн ішінде жүргізіледі.

Байқаудың өтетін күні мен орны қосымша хабарланады. Жоғарыда көрсетілген құжаттарды белгіленген мерзімде «Халел Досмұхамедов атындағы Атырау университеті» коммерциялық емес акционерлік қоғамы директорлар Кеңесінің корпоративтік хатшысына Атырау қаласы, Студенттер даңғылы, 1, Ғылыми Кеңес залына жіберу керек, телефон: 8 (7122) 27-63-05, 87028023552.   

ПІКІРЛЕР

Тізімге қайта оралу

Хабарландыру!

17 Мар 2023 32

2023 жылдың 21 сәуірінде Х. Досмұхамедов атындағы Атырау университеті көрнекті ғалым, қоғам және мемлекет қайраткері, профессор Х.Досмұхамедовтың туғанына 140 жыл толуына арналған «Халел Досмұхамедов мұрасы және қазіргі қазақ қоғамы» атты республикалық ғылыми-практикалық конференция өткізеді.

Хабарландыру!

15 Мар 2023 29

2023 жылдың 31 наурыз күні «Х.Досмұхамедов атындағы Атырау университеті» КеАҚ Физика, математика және ақпараттық
технологиялар факультеті Атырау облысы мен Атырау қаласындағы жалпы орта білім беретін мектептердің 11-сынып оқушылары арасында математика, физика, информатика пәндері бойынша пәндік олимпиада өткізеді.

Yessenov Data Lab 2023

14 Мар 2023 32

Жас ғалымдар үшін деректерді талдау онлайн мектебіне 20 грант

Yessenov Data Lab 2023 – бұл қазақстандық жас ғалымдардың алған білімдерін әрі қарай қолдану үшін, үлкен деректерді талдаудың базалық дағдыларына нақты практикалық жұмыстарда үйрету, сондай-ақ олардың коммуникативтік дағдыларын дамытуға бағытталған 4 апталық онлайн-интенсив.

Мектепті өткізу мерзімі: 12 маусым - 8 шілде 2023.

Құрметті оқытушылар, докторанттар мен магистранттар!

14 Мар 2023 37

ҚР Президенті жанындағы Қазақстанның стратегиялық зерттеулер институты Сіздерді ғылыми журналдарға жарияланым жасаға шақырады!

ХАБАРЛАНДЫРУ!

22 Фев 2023 72

Атырау облысы Әділет департаментінің ұйымдастыруымен Мемлекет кепілдік берген заң көмегін көрсету  бойынша Атырау облыстық адвокаттар алқасының адвокаттары Атырау университетінің қызметкерлері мен студенттеріне құқықтық кеңес береді.