ХАБАРЛАНДЫРУ!
26 маусымда Атырау облысында MediaLitFest медиа және ақпараттық сауаттылыққа арналған бірінші онлайн фестиваль өткізіледі. Фестиваль ұйымдастырушысы – Қазақстан Республикасының Психология, бизнес және медиа қауымдастығы.
Қазіргі қоғамдағы медиасауаттылықты арттыру қажеттілігі бар екендігін ескерсек, бұл жоба өзекті екендігі рас. Медиасауаттылықтың жоқтығы ақпаратты тұтыну барысында ақпараттық теңгерімсіздікті тудырады: сананы улау, қауесеттерге сендіру, жалған ақпарат тарату, адамдардың фактіге сүйенген деректер мен ақпарат көзін таба алмау және т. б.
Карантин жағдайында көптеген адам интернет-ресурсты білім алуға, ақпарат алуға, ойын ойнау сияқты ресурс ретінде пайдаланды. Алайда интернетте контент жасау мен оны орналастырудың жаппай қолжетімділігі оның сапасы мен шынайлығына кепілдік бермейді. Сондықтан ақпарат ағындарын басқару, оған бейімделу және өзіне қажетсіз ақпараттардан аулақ болу білігі сынды медиасауаттылық мәселелері бүгінгі қоғамның алдында тұрған маңызды қажеттіліктердің бірі.
Фестиваль аясында кітапхана саласының қызметкерлеріне, педагогтерге, бизнес пен ҮЕҰ өкілдеріне, студенттер мен оқытушыларға, мұғалімдер мен жоғары сынып оқушыларына, зейнеткерлерге, бұқаралық ақпарат құралдарының өкілдеріне медиасауаттылық, агрессивті заманауи ақпараттық ортада өзін өзі ұстау қағидалары, әлеуметтік желілер мен мессенджерлерде таратылатын теріс ақпаратты жариялаудың ҚР заңнамасында көрсетілген шектеулері,жеке аккаунттар мен пабликтерде сапалы контент жасауға көмектесетін цифрлық дағдылар және т.б тақырыптар ұсынылады.
Фестиваль 2021 жылғы 26 маусымда сағат 10:00-ден 19:00-ге дейін (бағдарлама қоса беріледі) Zoom алаңында өтеді. Қатысушылар https://docs.google.com/forms/d/e/1FAIpQLSd2WFD8-i1LFErCg7mdjYJFZiFWQbiilUyaaqM-0FEpoLdW-A/viewform?... сілтемесі бойынша тіркеле алады.
Фестивальдің Атырау облысы бойынша координаторы:
Мәншүк Мұқашева
+7 701 710 6376
Ұқсас материалдар
Хабарландыру!
24 қараша күні 3 курс студенттеріне педагогикалық тәжірибесіне жіберуге таныстыру конференциясы өтеді
Құрметті студенттер мен магистранттар!
Нархоз Университеті бакалавриат және магистратура студенттерін 12 наурыз 2024 ж. өтетін V жыл сайынғы ғылыми-практикалық конференциясына қатысуға шақырады
АҚПАРАТТЫҚ ХАТ
Әл - Фараби атындағы Қазақ Ұлттық университеті, Экономика және бизнес жоғары мектебі, «Қаржы және есеп» кафедрасы Қазақстан Республикасының Ұлттық валютасы Теңгенің 30 жылдығына арнап жоғары оқу орындары арасында экономикалық ғылымдар бойынша студенттердің ғылыми-зерттеу жұмыстарының байқауын жариялайды.
Хабарландыру!
Әл-Фараби атындағы Қазақ ұлттық университеті мен кеден, қаржы және экологиялық құқық кафедрасы Сіздерді 2023 жылғы 24 қарашада сағат 11:00-де Қазақстан Республикасының еңбек сіңірген ғылым қайраткері, Қазақстан Республикасы Ұлттық Ғылым Академиясының академигі, заң ғылымдарының докторы, профессор Еренов Әбдуәлі Еренұлының 100 жылдығына және әл-Фараби атындағы ҚазҰУ-дың 90 жылдығына арналған «Қазақстан Республикасының тұрақты дамуға өту барысында экологиялық қауіпсіздікті қамтамасыз етудің құқықтық мәселелері» атты халықаралық ғылыми-тәжірибелік конференцияға қатысуға шақырады.
Құрметті оқытушылар мен студенттер!
Л.Н.Гумилев атындағы Еуразия ұлттық университеті экономика факультетінің "туризм" кафедрасы "Туризімнің белсенді тұрлерінің техникасы мен тактикасы" бойынша VI халықаралық олимпиада өткізеді.
ПІКІРЛЕР