БЕКЕТ ЗИНЕШҰЛЫ АСҚАРАЛЫ АЛПЫСТА

 28 қазан күні Х.Досмұхамедов атындағы Атырау университетінің дамуына зор үлес қосқан тұлға, техника ғылымдарының докторы, профессор Кенжеғұлов Бекет Зинешұлының 60 жасқа толуына орай кезектен тыс Кеңейтілген Ғылыми кеңес өтті.

Басқарма төрағасы-ректор Саламат Нұрмұханұлы алғашқы құттықтау сөз сөйлеп, Бекет Зинешұлының өмір жолы еңбегімен жетістіктері туралы баяндады. Ректор мерейтой иесі ғылыми кеңестің шешімімен Х.Досмұхамедов атындағы төсбелгімен марапатталды. 

  Өз сөзінде педагогика ғылымдарының кандидаты, профессор, ректор Саламат Нұрмұханұлы «Бекет Зинешұлы, университетіміздің білім беру саласында 40 жылға жуық өзінің білімі мен тәжірибесін жастарға беру жолында қажырлы еңбек етудесіз. Білімді ұрпақ - ұлт жанашырларын тәрбиелеуде еңбек етіп жүргеніңіз - біз үшін үлкен мақтаныш. Жас мамандардың білімін шыңдауына, сеніммен қадам басуына жол көрсетіп келесіз. Осындай бәсекеге қабілетті саналы ұрпақтан ертеңгі ел тұлғасы қалыптасуы - сіздей тәжірибелі ұстаздың еңбегінің жемісі. Сізге зор денсаулық, қажымас қайрат, отбасыңызға баянды бақыт, шығармашылық табыс тілейміз. Еңбегіңіз еленіп, абыройыңыз үстем болсын» – деп ақжарма тілегін білдірді.

  Жиын «zoom» бағдарламасы арқылы қазақстанның әр жоғары оқу орындарының белгілі ғалымдары, Атырау облысы білім беру саласы қызметкерлерінің құттықтауларымен ұласты.

ҚазҰУ-нің ғылыми-инновациялық жұмыс жөніндегі проректоры, физика-математика ғылымының докторы, профессор Тілекқабыл Рамазанов ҚазҰУ-нің ректоры атынан құттықтаса, басқарма төрағасы-ректор Саламат Нұрмұханұлы ҚазҰУ-нің ректоры атынан төсбелгі мен құттықтау хатын табыс етті.

  «Бекет Зейнешұлының өңіріміздің білім саласына сіңірген еңбегі зор. Олай дейтін себебім өңірдегі мектеп мұғалімдерінің басым көпшілігі сіздің шәкірттеріңіз. Сіздей тұлғаның кейінгі ұрпаққа, жастарға өмір мен еңбек жолыңыз үлгі» – деп тілек білдірді, физика-математика ғылымдарының кандидаты, С.Мұқашев атындағы политехникалық колледж директоры Бакыт Кенесқызы.

  Мерейтой иесін шәкірті БАӘ Дубай қаласы, Африка және Таяу Шығыс бойынша бизнесті дамыту менеджері Ақмарал Амангелдіқызы құттықтады: «Шет елде жүрсем де әлеуметтік желі арқылы өзім оқыған өзім білім алған Атырау университетінің жетістіктерін оқып марқайып отырамын Менің жеткен жетістігім осы ұстаздарымның арқасы. Бекет Зейнешұлының сізді мерейлі жасыңызбен құттықтаймын».

  Шара барысында университет декандары мен кафедра меңгерушілері құттықтап, шәкірттері өз алғыстарымен тілектерін білдіріп, сыйлықтарын табыстады.

Тізімге қайта оралу