Директорлар Кеңесінің бірінші отырысы өтті

2020 жылғы 30 қыркүйекте Х.Досмұхамедов атындағы Атырау университеті КЕАҚ Директорлар кеңесінің бірінші отырысы өтті.

Кеңес құрамы Қазақстан Республикасы Білім және ғылым министрінің 2020 жылғы 23 қыркүйектегі № 408 бұйрығымен бекітілді.

Директорлар кеңесінің өкілеттік мерзімі - 3 жыл.

Бірауыздан жасырын дауыс беру арқылы Директорлар Кеңесінің төрағасы болып Қазақстан Республикасы Білім және ғылым министрлігі Жоғары және жоғары оқу орнынан кейінгі білім департаментінің директоры Әділет Жүнісұлы Тойбаев сайланды.

Директорлар кеңесінің мүшелері:

- Мамраев Бейбіт Баймағамбетұлы - ҚР Парламенті Мәжілісінің депутаты, тәуелсіз директор;

- Иванова Анна Олеговна - Қазақстан Республикасы Қаржы министрлігінің Мемлекеттік мүлік және жекешелендіру комитеті Меншіктің мемлекеттік мониторингі, сенімгерлік басқару және концессия басқармасының басшысы;

- Есенғалиев Сатқан Ибрайұлы - Атырау облысының білім басқармасының басшысы;

- Сапарбекова Эльвира Қалмаханқызы - Қазақстан Республикасы Білім және ғылым министрлігінің Білім және ғылым саласында сапаны қамтамасыз ету комитеті Жоғары және жоғары оқу орнынан кейінгі білім саласын бақылау басқармасының басшысы;

- Нұрмұканов Елдар Айтқалиұлы - QAZ PROTECTORS техникалық директоры, тәуелсіз директор.

Директорлар Кеңесінің корпоративтік хатшысы болып экономика ғылымдарының кандидаты, қауымдастырылған профессор м.а. Мусаева Айман Амангельдиевна тағайындалды.

Директорлар Кеңесі Қоғамға, Жалғыз акционердің Заңмен және Қоғам Жарғысымен қаралған айрықша құзіреттілігіне жататын мәселелерден тыс, жалпы басшылық етуді жүзеге асырады.

Директорлар кеңесінің мүшелері мен оның отырыстары туралы толығырақ ақпарат университеттің сайтында "Корпоративтік басқару"бөлімінде орналастырылады.

Возврат к списку