Ынтымақтастық туралы меморандумға қол қойылды

1 қазанда Ш.Уәлиханов атындағы Тарих және этнология институтының директоры, тарих ғылымдарының докторы, профессор Кабулдинов Зиябек Ермұханұлы және Х.Досмұхамедов атындағы Атырау университетінің ректоры, педагогика ғылымдарының кандидаты Идрисов Саламат Нұрмұханұлы Жарғы негізінде әрекет ете отыра және бірлескен қызметке ортақ мүддені білдіріп, Ынтымақтастық туралы Меморандумға қол қойды. Бірлескен жобаны ұйымдастыруға аталған институт директорының қоғаммен байланыс жөніндегі орынбасары, т.ғ.к. Шашаев Әуезхан Қадіржанұлы мен жетекші ғылыми қызметкер, т.ғ.к., профессор Уалтаева Алтын Слямайдарқызы келіп, негізгі бағыттарды ұсынды.

Осы Меморандум негізінде екі жақты келісіммен келесі міндеттер бойынша жұмыс жасау бағытталады:

1. Ғылыми-зерттеу және инновациялық қызметті дамыту. Ғылым, білім, мәдениет саласындағы бірлескен ғылыми жобалар мен бағдарламаларды әзірлеу және жүзеге асыру.

2. Ғылыми ақпараттармен алмасу және ғылыми зерттеулерді үйлестіру үшін ғылыми экспедициялар, конференциялар, семинарлар және басқа да халықаралық іс-шараларды ұйымдастыру.

3. Гранттар алуға өтінімдерді бірлесіп дайындау және ұсыну.

4. Ғылыми басылымдарды дайындау және басып шығару. Рейтингтік басылымдарда бірлескен жарияланымдар және зерттеу нәтижелерін патенттеу, сондай-ақ тараптардың ғылыми басылымдарында ақпараттармен алмасу.

5. Мәдени мұра ескерткіштерін сақтау, қалпына келтіру және дәріптеу саласындағы озық технологиялармен алмасу бойынша тренингтер мен семинарлар өткізу.

6. Аспирантура, докторантура және біліктілікті арттыру курстары арқылы ғылыми және ғылыми-педагогикалық кадрларды даярлау және қайта даярлау. Жас зерттеушілердің тағылымдамаларын ұйымдастыру. Жас зерттеушілердің ғылыми байланыстары мен біліктілігін арттыруға көңіл бөлу.

7. Білім беру сапасын арттыру, қоғамдық қатынастарды үйлестіру, терроризмге, нәсілшілдікке, экстремизмге қарсы тұру мақсатында білім беру қызметін, ғылымды, өнер мен мәдени мұраны насихаттауға бағытталған іс-шаралар өткізу.

8. Ұйымдардың және бұқаралық ақпарат құралдарының веб-сайттары арқылы бірлескен нәтиже туралы ақпараттандыру.

   Осындай ғылыми жетістіктерге жоспарлы қадам басуда негізгі міндеттерге баса назар аудара отыра, нәтижелі жұмыстарға қол жеткізу – ортақ мақсат.

Возврат к списку