«Университет дамуына сіңірген еңбегі үшін» төсбелгісімен марапатталды

12 қазанда Х.Досмұхамедов атындағы Атырау университетінің ұжымы  24 жыл еңбек өтілінен кейін, зейнеткерлік жасқа келген «Көптілді білім беру» факультетінің оқытушысы Бижанова Ақмарал Сайынқызын Құрметті еңбек демалысына шығарып салды.
    Басқарма Төрағасы-Ректор м.а. Саламат Нұрмұханұлы Идрисов құттықтау сөзінде: "Университеттің негізгі игілігі - жоғары білікті профессор-оқытушылар құрамы десек, осының айқын дәлелі - сіздің 24 жылғы ұстаздық қызметін жауаптылықпен атқаруыңыз. Енді, міне, өмірдің тағы бір белесі - құрметті еңбек демалысына шығып жатырсыз. Жас ұрпақтың рухани жан дүниесін байыту саласындағы еңбегіңіз жемісті болып, алар асуыңыз еңселі болсын"- деп ақ тілегін білдірді. Осы орайда Ақмарал Сайынқызын университетіміздегі болашақ мамандарды оқыту және тәрбиелеу ісіндегі толағай табыстары үшін «Университет дамуына сіңірген еңбегі үшін» төсбелгісімен марапаттады. Сондай-ақ облыс әкімінің мерекелік Алғыс хатын тапсырды.
    Университет ұжымының атынан Ақмарал Сайынқызына мықты денсаулық, жанұя амандығын, шексіз бақыт тілейміз. Еңбегіңіз еленіп, абыройыңыз асқақтай берсін!

Возврат к списку