Дене шынықтыру спорттық үйірмелерде оқушылардың өмірге түзу көз қарасын қалыптастыруға, еңбек сүйгіштікке, ұжымдыққа, өжеттілікке, батылдыққа, жігерлікке баулу қажет.
Мектеп қабырғасында дене шынықтыру сабағына ерекше көңіл бөлінген дұрыс. Себебі, дене шынықтыру жаттығуларын жай ғана үйреніп қою жеткіліксіз. Олардың пайдалы екенін түсініп, бос уақытта өздеріміз қалаған спорт түрімен айналысуға болады. Оқушыларға бағыт – бағдар беріп отыратын пән мұғалімі мен ата – ана болып табылады. Сондықтан мектеп қабырғасында жүрген оқушылар спорт түрімен жүйелі түрде айналысуы қажет. Спортпен үзбей шұғылданған оқушы күшті де батыл, икемді де төзімді, сымбатты да сұлу болып өседі. Болашақта еліміздің намысын қорғап, әлемге атын шығаратын спортшы да мектеп оқушыларының арасынан шығады. Дене шынықтыру оқушыларды жан – жақты жетілдіріп, денсаулығын нығайтып, дене мүсінінің сұлулығын қалыптастыруға, оларды өмірде белсенді болуға елін қорғауға дайындайды. Дене шынықтыру мен спорттық үйірмеге белгілі бір мақсатпен қатысып, сол мақсатқа жетуде жеке дене тәрбиесінің барлық түрлері қолданылады. Дене тәрбиесінің дамуы - спортты мойындау, яғни спорт – дене тәрбиесі жүйесіндегі негізгі құралдардың бірі болғандықтан, оқушылар онымен айналыса отырып, өзінің денесін жан-жақты жетілдіру ісін жалғастырады және жоғарғы спорттық көрсеткіштерге жетуге талаптанып, дене жаттығуларының кейбір түрлеріне маманданады деп сенеміз! Спорт үйірмелерін дұрыс ұйымдастыру және сапалы білім беру, мықты спортшылар дайындау үшін білікті мамандар дайындау біздің мақсатымыз деп білеміз.
ПІКІРЛЕР