23 ақпан күні "Дене шынықтыру және бастапқы әскери дайындық" кафедрасының оқытушысы А.Ә.Қалдыбаеваның ұйымдастыруымен дене шынықтыру пәнінің мұғалімі және таңдаған спорт түрінен жаттықтырушы мамандығының 3 курс студенттеріне «Критериалды бағалау технологиясы» пәнінен тәжірибе алмасу бағытында Атырау қаласындағы химия-биологиялық бағыттағы Назарбаев Зияткерлік мектебінің дене тәрбиесі пәнінің мұғалім-модераторлары Чунышкалиев Құралбек Орынғалиұлы мен Сапагулов Бақтияр Амангелдіұлының қатысуымен "Дене тәрбиесі сабағында критериалды бағалаудың әдістері " тақырыбында шеберлік сабағы өткізілді. Сабақ кезінде Зияткерлік мектеп мұғалімдері тәжірибе жүзінде критериалды бағалауды жүзеге асыру барысын көрсетіп, іс-тәжірибелерімен бөлісті. Білім алушылар дене тәрбиесі пәніндегі критериалды бағалаудың әдістерін, әсіресе сабақта коммуникативті әдістерді қолдану, сабақ жоспарын дұрыс құру, бағалау тәсілдері туралы мол ақпарат алдық деп, кері байланыста орнатты. Сабақ өте мазмұнды өтті.
ПІКІРЛЕР