⠀
Х.Досмұхамедов атындағы Атырау университетінің психология және педагогика кафедрасына қарасты “Дарын” - инклюзивті ресурстық орталығынан іс-тәжірибеден өтуші білім алушыларға Абай атындағы ҚазҰУнің Арнайы педагогика кафедрасының дефектология мамандығы бойынша бірнеше оқулықтың авторы PhD докторы Ибатова Гаухар Биржановна “Ерекше білім беруді қажет ететін балаларға психологиялық-педагогикалық қолдау көрсету” тақырыбында шолу дәрісін өткізді.
⠀
Дәріс барысында ұстаз ерекше білім беруді қажет ететін балалармен жұмыс жасаудың әдіс-тәсілдерімен қатар аталмыш тақырып бойынша ғылыми зерттеу жұмыстарымен сондай-ақ қолдау орталықтарының жұмыс жасау ерекшеліктеріне тоқталды.
⠀
Аталмыш орталықтан іс-тәжірибеден өтуші білім алушылардың сұрақтарына жауап беріп кафедра профессор-оқытушыларымен өзара тәжірибе алмасты. Осы мақсатта Гаухар Биржановнаға кафедра меңгерушісі К.О.Казиев кафедра ұжымы атынан ризашылығын білдіріп алдағы уақытта академиялық ұтқырлық бағдарламасы бойынша тығыз байланыс жасауға ұсыныс білдірді.
ПІКІРЛЕР