АБДОЛ Амандық Сағынтайұлы
"Atpress.kz", "Turan Times" сайттарының тілшісі. 2008 жылы Халел Досмұхамедов атындағы Атырау мемлекеттік университетінде "қазақ тілі мен әдебиеті" мамандығы бойынша жоғары білім алып, 2012 жылы бітіріп шыққан. Ал, 2022-2023 жылдары аталған оқу ордасында "журналистика" мамандығын меңгерген. Алғашқы еңбек жолын университетішілік "Университет" газетінде тілші болып бастаған. Кейін 2012 жылдан бастап облыстық "Атырау" газетінде аға тілші, "Шежіре" шығармашылық орталығында редактор, "Мақат тынысы" газетінде тілші, облыстық Балық шаруашылығы басқармасында баспасөз хатшысы болып жұмыс жасаған. "Бақыт биігіндегі бір күн" атты жеке шығармалар жинағының авторы. Жас ақындардың "Сезім", "Алаужыр", "Армантауға асыққандар" антологияларында өлеңдері мен әңгімелері жарық көрген. Сондай-ақ, "Өмір мен өңір", "Озаттар" энциклопедияларына есімі енген. Журналистер арасында ұйымдастырылған "Шаңырақ", "Қоршаған орта және БАҚ", "Жемқорлыққа қарсы күрес", "ТШО", "Жол активтері", "Мемлекеттік тіл", "Латын әліпбиі" және басқа да көптеген республикалық, облыстық шығармашылық байқаулардың жеңімпазы. Республикалық "Алтын қалам" жүлдесінің иегері. Журналистер одағының мүшесі. Атырау облысы, Атырау қаласы әкімдерінің, облыстық полиция, экология, т.б. департамент басшыларының Алғыс хаттарын иеленген. 2015 жылы "Үздік жас журналист"аталамын жеңіп алған. "Ақ жол" партиясы, Шекара қызметі, "Озаттар" акционерлік қоғамы секілді бірқатар ұйымдардың арнайы медальдарымен марапатталған.
Айнагүл Қалбаева
Х.Досмұхамедов атындағы Атырау мемлекеттік университетін 2008 жылы журналистика-бакалавр мамандығы бойынша тәмамдады. "QAZAQSTAN" РТРК АҚ Атырау облыстық филиалында шеф-редактор қызметін атқарады. Авторлық, тақырыптық хабарлардың редактор-жүргізушісі. "Тұмар" ұлттық телевизиялық бәйгесінің "Үздік деректі фильм" номинациясы бойынша жеңімпазы.
Махимов Дәурен Бекболұлы
Х.Досмұхамедов атындағы Атырау мемлекеттік университетін 2011 жылы журналистика-бакалавр мамандығы бойынша аяқтады. Облыстық газет, ақпараттық сайттарда қызмет істеді. Қазір "Атырау-Ақпарат" ЖШС директорының орынбасары.
Қадырғалиева Жаңылсын Саттарқызы
13 желтоқсан, 1986 жылы Атырау облысы, Құрманғазы ауданы, Дәшін ауылында дүниеге келген. 1993-2004 жылдар аралығында Атырау облысы, Құрманғазы ауданы, Дәшін селосындағы Ы.Алтынсарин атындағы орта мектепте білім алды. 2004-2008 жылдары Атырау қаласындағы Х.Досмұхамедов атындағы Атырау мемлекеттік университеті, гуманитарлық факультетінің, «Журналистика» мамандығын бітірген.
Сонымен қатар, 2012-2015 жылдар аралығында Орал қаласындағы М.Өтемісов атындағы Батыс Қазақстан мемлекеттік университетінің «Педагогика және психология» мамандығы бойынша аяқтаған. 2007-2009 жылдар аралығында «Atyrau Today» газетінде тілші, 2009-2010 жылдары «Атырау-Ақпарат» ЖШС-нің хатшы, іс-жүргізуші, 2010-2012 жылдары «Нұр Отан» партиясы жанындағы «Жас Отан» ЖҚ - ның консультаны, 2013-2015 жылдары «Нұр Отан» партиясының Саяси жұмыс бөлімінің коньсультанты, 2014-2019 жылдары «Nur Otan» партиясы Атырау облыстық филиалының баспасөз хатшысы, 2019 жылдың ақпан айынан бастап Саяси жұмыс бөлімінің консультанты қызметін атқарып келеді.
2010-2014 жылдар аралығында «Тарлан-Атырау» ҚБ төрайымы, 2017-жылдан бастап жеке кәсіпкерлікті қолға алды. 2019 жылы «Ермек» құрылыс дүкені мен шаштаразын іске қосты.
Мақым Нұрберген Бекболұлы
Х.Досмұхамедов атындағы Атырау мемлекеттік университетін 2009 жылы журналистика-бакалавр мамандығы бойынша аяқтады. Республикалық, облыстық БАҚ қызмет атқарды. "Maqym Media" шығармашылық орталығының жетекшісі. Тауман Амандосов атындағы сыйлықтың иегері.
Салимова Ләззат Нұрболатқызы
1992 жылы 23 қаңтарда Ақтөбе облысы Қобда ауданында дүниеге келген. Атырау қаласында мектеп бітіріп, Х. Досмұхамедов атындағы университеттің журналистика мамандығында 2009-2013 жылдар аралығында білім алған. Оқу орнын бітіргеннен кейін еңбек жолын “Атырау - Ақпарат” ЖШС-іне қарасты “ Прикаспийская коммуна” газетінде тілші, аға тілші қызметтерінен бастаған. Өңірдің жастар саясаты, спорт, білім, мәдениет, әлеуметтік мәселелерінде мақала жазды. Кейін “Atyrau Press” ақпараттық порталында тілші қызметін жалғастырды. Одан бөлек “Евразия радиосында”, “Newtimes.kz”, ақпараттық nur.kz порталдарында меншікті тілші қызметін атқарады.
Сисенов Бауыржан Аманович
Сисенов Бауыржан Аманович