Х.Досмұхамедов атындағы Атырау университетінің «Бейнелеу өнері және дизайн» кафедрасы 1994 жылы Педагогика факультетінің жанынан ашылды.
1994-1995 оқу жылына «Бейнелеу өнері және сызу» мамандығына студенттер қабылданды. Кафедраның алғашқы оқытушылар құрамы төрт кәсіби мамандардан тұрды. Олар, Биғалиев С.Е, Байзулова Б.Ж., Сатаев К.О, Тулеуов Д.А .
1995 жылы кафедраның кәсіби бағыты өзгерілмесе де атауы өзгертіліп Музыкалық білім беру факультетінің құрамына енгізілді. Кафедраның атауы «Музыкалық білім беру мен бейнелеу өнері» болып аталды. Музыкалық білім беру мен Бейнелеу өнері мамандықтарын біріктірген кафедраны п.ғ.к., доцент В.В.Чуреев, ал 1995-1997 жылдары Райсов Оразбай Фазылұлы басқарды. Бейнелеу өнері және сызу мамандықтарындағы оқу топтарының көбеюіне байланысты оқытушылық қызметке кәсіби мамандар тартылды.
1995 жылы Кескіндеме пәнін жүргізуге Кендір О.Қ, және кафедрадағы теориялық пәндерді жүргізуге Бермағамбетов Н.Ә қабылданды.
1996 жылы Сызу және Сызуды оқытудың әдістемесі пәндерін жүргізуге Ж.С.Рахметовты, Сәнді-қолданбалы өнер пәндері бойынша Е.Н.Арыстановты және Москваның В.И.Суриков атындағы өнер академиясының түлегі, кескіндемеші Қ.Х.Аманов оқытушылық қызметке қабылданды.
1997- 2000 жылыдар аралығында кафедра меңгерушісі болып М.Қ.Биғалиев қызмет атқарды. Кәсіби мамандармен толысқан кафедра 1998 жылы өзінің бірінші түлектерін шығарды. Осы жылы кафедра жеке кәсіби кафедра болып қайта жасақталды. Бірінші түлектердің барлығы дерлік (38 студент) мамандықтарына сәйкес қызмет атқаруда. Қазіргі таңда бірінші түлектердің ішінен танымал шығармашылық тұлғаға айналған Слекенов Рафаэль халықаралық «Жігер», «Шабыт» фестивальдерінің лауреаты, «Тарлан» сыйлығының иегері, Польша мемлекетінің Мәдениет министрлігінің степендиаты, ҚР Суретшілер одағының мүшесі.
1999 жылы жаңарып жатқан заман талаптарына сәйкес өлкемізге кәсіби дизайнерлерді дайындау мақсатында «Дизайн» мамандығы ашылып 1999-2000 оқу жылдарына алғашқы студенттерді қабылдады. Бұл кездері кафедра меңгерушісі болып Биғалиев Мақсот Қайырұлы қызмет атқарды. Жаңа мамандық ашылып оқу топтарының көбеюіне байланысты кафедраның профессор-оқытушылар құрамы екі есеге көбейді.