1970 жылдары Батыс өңірінде жалпы білім беретін мектептерге музыка мұғалімдерінің жетіспеуі өзекті мәселелердің бірі болды.
1976 жылы облысты музыка мамандарымен қамтамасыз ету мәселесін шешу мақсатында Қазақ ССР Ағарту Министрлігінің бұйрығымен (№333. 24.05.1976ж.) Гурьев педагогикалық институты ректоры Г.Д.Даировтың бұйрығымен (№124. 28.05.1976ж) Физика – математика факультетінің жанынан «Музыка теориясы және тарихы» және «Арнаулы және қосымша аспаптар» кафедралары ашылды.
Алғашқы 1976-1977 оқу жылында №2119 «Музыка және ән» мамандығына бөлінген 50 орынға 109 үміткер құжаттарын тапсырды. Олар 4 пән бойынша іріктеу емтихандарын тапсырып, 25 талапкер орыс тобына, 25 қазақ тобына оқуға қабылданды.
Кафедралар кадрлармен толықтырылған соң, институт басшылығы алдында факультет құру мәселесі тұрды. Институт ректорының бұйрығымен (№199. 26.07.1977ж.) «Музыка және педагогика» факультеті құрылып, факультет деканы болып М.Г.Котляр тағайындалды.
1977-1978 оқу жылында «Музыкалық-педагогикалық» факультеті мектеппен және халыққа білім беру мекемелерімен тығыз байланыста қызмет жасай отырып, ғылыми – әдістемелік және практикалық көмек көрсетті. Атап айтсақ, психология ғылымдарының кандидаты Г.М.Котляр. 1977-1978 оқу жылының соңында үш кафедрада 28 оқытушы еңбек етті:
1. «Музыка тарихы және теориясы» кафедрасы – кафедра меңгерушісі Москва мемлекеттік
консерваториясының түлегі, аға оқытушы Шкабурин Виктор Иванович;
2. «Музыкалық аспаптарда ойнау» кафедрасы – кафедра меңгерушісі, Астрахань консерваториясының
түлегі, аға оқытушы Корнюша Наталья Аркадьевна;
3. «Бастауышты оқыту педагогикасы мен методикасы» кафедрасы – кафедра меңгерушісі Орал педагогикалық
институтының түлегі, филология ғылымдарының кандидаты, доцент Шәукенов Құсекен Шәукенұлы болды.
1979-1980 оқу жылындағы «Музыка және ән» мамандығында оқитын студенттер саны алғашқы жылдарға қарағанда төрт есеге артты.
1980-1981 оқу жылы Шымкент өнер институтының түлегі, Доссор музыка мектебінің директоры, ҚР Мәдениет қайраткері, республикаға танымал күйші Рысбай Хисметұлы Ғабдиев факультет деканы болып тағайындалды. 1980-1990 жылдары факультеттің тәрбиелік, оқу-әдістемелік және концерттік-орындаушылық жұмысы қарқынмен дамыды. Өміріне өнерді серік еткен үлкен дарын иесі осы жолды таңдаған шәкірттерінің де қасиетті өнерді бағалауына, қастерлеуіне ісімен үлгі болды.
«Музыкалық-педагогикалық» факультет деканы Р.Х.Ғабдиев күйшілік орындаушылығы, басшылық білгірлігі, сахналық эстетикасы, талғампаздығы арқылы әріптестері мен студенттер алдында зор құрметке ие болған тұлға еді. Шебер ұйымдастырушы Р.Х.Ғабдиевтің басшылығымен облыс, республика көлемінде өнер көрсеткен студенттік ұлт аспаптар оркестрінің даңқы жайылып, «Музыка және ән» мамандығына оқуға түсу үшін Қазақстанның әр облыстарынан, Түрікмен Республикасынан, Ресей қалаларынан жастар келе бастады.
1990 жылы Қазақстан Мәдениет министрлігінің ұсынысымен Р.Х.Ғабдиев Дина Нұрпейісова атындағы кәсіби қазақ ұлттық оркестрінің көркемдік жетекшісі және бас дирижері болып тағайындалды.
1990-1992 жылдары «Музыкалық-педагогикалық» факультетті аға оқытушы Т.В.Шапошникова (Пупыкина) басқарды. 1992-1998 жылдары факультет деканы болып О.Д.Бахтияров тағайындалып, көп жылдар қажырлы еңбек етті. Осы кезеңде «Хорды дирижерлау» және «Музыкалық аспаптар», «Музыкалық-теориялық пәндер» кафедралары жұмыс жасады.
1994 жылы «Музыка және педагогика» факультеті құрамында «Музыканы оқыту әдістемесі және бейнелеу өнері» кафедрасы ашылып, кафедра меңгерушісі лауазымына п.ғ.к В.К.Чуреев ұсынылды. 1998 жылы «Музыка және бейнелеу өнері» факультеті болып құрылды.
2000 жылы «Педагогика және музыка» факультеті болып қайта құрылды. студенттер санының азаюына байланысты музыкалық кафедралар топтастырылып "Музыкалық білім беру" кафедрасы болып қайта құрылды. Кафедра меңгерушісі - доцент О.Д.Бахтияров болды.
2002 жылы кафедралар қосылып "Педагогика, психология және өнер" факультеті болып қайта құрылды, декан қызметіне п.ғ.к. Б.Т.Барсай тағайындалды.
2003 жылы «Дәстүрлі музыка өнері» мамандығы, 2004 жылы «Актерлық өнер» мамандығы ашылып, кафедра ұжымыоблысымыздың мәдени ошақтары үшін мамандар дайындаумен айналыса бастады.
2006 -2015 жылдары «Музыкалық білім» кафедрасы болып өзгертіліп, кафедра меңгерушісі қызметіне осы оқу орнының түлегі, аға оқытушы Е.Д.Ковалева тағайындалды. 2010 жылы «Вокалдық өнер» мамандығы ашылып, академиялық әншілерді дайындау қолға алына бастады.
2015 – 2016 жылдары шығармашылық мамандықтардан «Өнер және спорт» факультеті
ұйымдастырылды.
2015 – 2016 жылдары «Музыка және өнер» кафедрасының меңгерушісі болып аға оқытушы, мәдениет
қайраткері Г.Б. Джаксиева болды.
2016 – 2019 жылдары «Музыка және өнер» кафедрасының меңгерушісі болып өнертану
ғылымдарының кандидаты Б.Ж. Тұрмағамбетова болды.
2019 жылдан бастап "Музыка және өнер" кафедрасының меңгерушісі болып Ковалева Елезавета
Дмитриевнатағайындалды
Бүгінгі күні «Музыка және өнер» кафедрасы жастарды мәдени бағытта тәрбиелеуде және жас ұрпақтың сана-сезімін қалыптастырудакөп еңбек сіңіріп жүрген композитор, жазушы, дәстүрлі музыка мәдениетін, өнерін зерттеуші, публицист, Қазақстанның еңбек сіңірген қайраткері, Қырғызстанның еңбек сіңірген мәдениет қайраткері Илья Жақановты мақтан тұтады. Оның қаламынан көптеген қазақ музыканттарының өмір жолы мен шығармашылығы туралы кітаптар басылып шықты.
Кафедрада педагогикалық және орындаушылық қабілеттерін студенттерге үйретіп жүрген: Қ.Р. еңбек сіңірген артисі А.Н. Үлкенбаева; Қ.Р. еңбек сіңірген қайраткеріС.С.Жанпейсова жемісті еңбек етуде.
Көп жылдар өздерінің кәсіби білімін және біліктілігін студенттерге беріп, жемісті еңбек етіп жүрген Бүкілодақтық конкурстардың лауреаты, КСРО-ның «Ерен еңбегі үшін» медалінің иегері, ҚР білім беру ісінің Құрметті қызметкері, доцент С.С.Әжікен; ҚР білім беру ісінің үздігі және ҚР білім беру ісінің Құрметті қызметкері, Республикалық және халықаралық конкурстардың лауреаты, доцент М.З.Гайсина; «Мәдениет саласының үздіктері», аға оқытушы Г.Б.Джаксиева; "Ы.Алтынсарин төсбелгісінің иегері" аға оқытушы Е.Д.Ковалева; Мәдениет қайраткері, Бүкілодақтық конкурстардың лауреаты, доцент К.М.Кипиев; Бірнеше Республикалық пәндік олимпиадалардың лауреаттарын дайындаған аға оқытушылар Т.М.Суингарина, Г.Т.Рыскалиева; педагогика магистрі Қ.Ж.Әбілтаева, оқытушы К.Ж.Жамекова, жас мамандар А.Т.Шаужанова, Э.М.Куртиева, аға лаборант З.Оңдағанова еңбек етуде.
Қазіргі кезде кафедра оқу бағдарламасы бойынша төмендегі мамандақтардан мамандар дайындауда: 6В01403 - Музыка мұғалімі, қосымша білім беру педагогі, 6В02101 – Концерттік – камералық орындаушы, оқытушы, 6В02104- Халық аспаптары, 6В02102- Халық әні.