Алғаш рет 1950 жылы Гурьев облысындағы мұғалімдер институтында Марксизм-ленинизм кафедрасы ашылды.
1950 жылы кафедра құрамында Е.М. Польская, А.Нұржақыпов, Л.Е.Фаин, Д.В.Фомин, Г.А.Баяндиев, К.Ж.Жаманбаев, М.С.Аженов, М.И.Өтегенов, Е.С.Ізбасов, Қ.Ә.Әбішев, Р.Қ.Муликов жұмыс жасды.
1964 жылы «философия және ғылыми коммунизм» кафедрасы болып бөлек шықты. Жаңа құрылған кафедрада: философия тарихы және диалектикалық материализм, ғылыми коммунизм, ғылыми атеизм негіздері, Маркстік-лениндік этика және эстетика, логика пәндері жүргізілген.
Бұл жылдары кафедра оқытушыларының ғылыми дәрежесі өсіп, кафедра оқытушылары С.Қ.Құсниденов (1971), Р.Қ.Муликов (1972), И.Ғ.Ғимранов (1979) философия ғылымдарының кандидаты ғылыми дәрежесін алып, ұжымға Ленинград мемлекеттік университетін бітірген С.Г.Ғабдулов, Н.С.Габдулова, ҚазМУ-дің (қазіргі әл-Фараби ат. ҚазҰУ) «философия» бөлімін бітірген М.И.Ысқақов, С.Қ.Қапизов, К.Э.Кизатова, М.Ломоносов атындағы Мәскеу мемлекеттік университетін бітірген Қ.Қ.Құрмашев келді.
1980-1990 жылдары кафедра құрамын ҚазМУ-дың «философия» бөлімін бітірген Ғ.Ж.Нұрышева, М.И.Тапишев, А.А.Кенжебаев, Р.М.Киреева, Беларусь мемлекеттік университетінің «философия» бөлімін бітірген Ө.Қ. Бекежан, сондай-ақ филос.ғ.к., доцент Т.Ф.Жасбамбетов, филос.ғ.д., профессор Қ.Е.Ермеков, Мәскеу мемлекеттік педагогика институты аспирантурасын бітірген Е.И.Гимранов сияқты мамандар келіп толықтырды. Кафедрада әр жылдары М.С.Аженов, Р.Қ. Муликов, С.Қ. Құсниденов, Ө.Қ.Бекежан, А.А. Кенжебаев, С.Б. Аймұратов меңгерушілік қызмет атқарды.
Бұрынғы Кеңес идеологиясына негіз болған «ғылыми коммунизм» пәні кейін, «саясаттану», «әлеуметтану» пәндеріне айналды. Пәндердің енгізілуі кафедра бағдарламасын халықаралық стандартқа сай сәйкестендіруді қажет етті. Оқыту бағдарламасы тоталитарлық идеологиялық қысымнан арылып, жалпы әлемдік, ұлттық-мәдени құндылықтарға көп назар аударылды. Кафедра ғылыми дәрежелі оқытушыларымен қамтамасыз етілуі жағынан университетте алдыңғы орындардың біріне шықты.
Кафедрада әр жылдары филос.ғ.д, профессор, Қазақстан социология Академиясының академигі М.С.Аженов, филос.ғ.д, профессор, Қ.Ә. Әбішев, филос.ғ.д, профессор, Қ.Е. Ермеков, филос.ғ.д, профессор, Ғ.Ж.Нұрышева, социология ғ.д. К.Б. Шөптібаева филос.ғ.д. Б.М. Аташ жұмыс істеді.
Кафедра жалпы университеттік кафедра ретінде университеттің барлық оқу топтарына философия, саясаттану, әлеуметтану, мәдениеттану, дінтану, формальды логика және магистранттарға ғылым тарихы мен философиясы пәндерін жүргізді. Ө.Қ.Бекежан, А.Ә.Кенжебаев, А.Ә.Лұқпанов ҚР ҒК жариялаған ғылыми жоба бойынша іргелі зерттеулер жасады (2007-2009ж.ж).
Кафедра саяси-әлеуметтік, діни, мәдени мәселелер бойынша мемлекеттік және қоғамдық ұйымдарда лекциялар оқып, облыстық, республикалық басылым беттерінде мақалалар жариялап, конференциялар өткізіп келеді.
Кафедра ҚР БЖҒМ ҒК философия, саясаттану және дінтану институтымен, әл-Фараби ат. ҚазҰУ философия және саясаттану факультетімен, облыстық ішкі саясат басқармасымен, дін істері департаментімен, ҚХА, Қазақстан философиялық конгрессімен тығыз ғылыми байланыста жұмыс істейді.
Кафедра қазіргі кезде мына пәндерден сабақ өткізеді: «Философия», «Әлеуметтік-саяси білімдер модулі» (саясаттану, әлеуметтану, мәдениеттану), магистрантура бойынша «Ғылым тарихы мен философиясы» пәні.