«Менеджмент» кафедрасы өзінің бастауын «Экономикалық теория» кафедрасынан алады. «Экономиклық теория» кафедрасы сол 2001 жылдың сәуір айында Атырау мемлекеттік университеті ректорының бұйрығымен құрылды. Осы жылдар ішінде кафедра көптеген өзгерістерге ұшырап, 2015 жылдан бастап кафедра "Менеджмент" кафедрасы болып өзгертілді. Қазіргі уақытта кафедрада университеттің стратегиялық жоспарын жүзеге асыру аясында басқару саласының бәсекеге қабілетті мамандарын дайындау жүргізілуде.
Кафедра күндізгі, жеделдетілген және қашықтықтан оқыту түрі бойынша келесі мамандықтар бойынша даярлайды: 6В04103-Экономика және мемлекеттік басқару және 6В04102 – Саладағы менеджмент. 2013 жылдан бастап кафедраны п.ғ.к. Уталиева Райхан Сағитжанқызы басқарады. Кафедраның болашақ мамандарды дайындау үшін қажетті материалдық-техникалық базасы бар.
Бейіндік пәндер бойынша барлық оқу-әдістемелік аудиториялар жаңа технология бойынша жабдықталған. Осы күндері біздің кафедрада1 доктор, 3 ғылым кандидаты және 9 магистр жұмыс жасап,еліміздің интеллектуалдық және ғылыми әлеуетін дамытуға баға жетпес үлес қосуда. Кафедрада дайындалатын мамандықтар НААЭКО «ARQA» сияқты беделді аккредитациядан өтіп, өзінің сапасын дәлелдеді. Кафедра сонымен қатар тәрбие жұмыстарына, студенттердің бос уақытын ұйымдастыруға үлкен көңіл бөледі, ол келесі бағыттар бойынша жүзеге асырылады: студенттердің кәсіптік бағдарлануы; жастарды патриоттық, физикалық, экологиялық, адамгершілік тәрбиелеу.
Студенттер топ кураторларымен бірге университеттің, қаланың қоғамдық өміріне белсенді қатысады.Кафедра халықаралық серіктестермен тығыз және кең байланыста. Білім беру сапасын арттыру және мамандарды дайындау мақсатында кафедра өз студенттерін академиялық ұтқырлық, біліктілікті арттыру, қысқа мерзімді және ұзақ мерзімді тәжірибе, тағылымдамалар және бірлескен жобалар үшін серіктес университеттерге жібереді.