KZ RU EN

Менеджмент кафедрасы

Кафедра меңгерушісі
Уталиева Райхан Сағытжанқызы
педагогика ғылымдарының кандидаты


«Менеджмент» кафедрасы Қазақстан Республикасы ұлттық экономикасының қазіргі заманғы тенденциялық дамуындағы бизнес міндеттерін және проблемаларын шешуге қабілетті жоғары білікті басқарушыларды дайындауды жүзеге асыратын Х.Досмұхамедов атындағы Атырау университеті Экономика және құқық факультетінің құрылымдық бөлімшесі болып табылады.
Кафедра миссиясы - кәсіптік біліктілікке ие және еліміз бен өңір көлемінде шығармашылық қызметті іске асыруға алғырлығы бар бәсекеге қабілетті, сапалы, әрі көпдеңгейлі, нарықта көшбасшы бола алатын, үздіксіз білім алу, ғылыми-зерттеу және оқу үрдісіне инновациялық тәсілдерді жүзеге асыра алатын мамандар даярлауды көздейді.
Кафедраның негізгі мақсаты – менеджмент және мемлекеттік басқару саласында бәсекеге қабілетті мамандар дайындау, университет және білім алушылардың мүддесін қанағаттандыру, әрбір студентке сапалы білім алудағы оқыту мазмұнын таңдау бойынша кең ауқымды мүмкіндік беру. Сондай ақ, үнемі жоғары сұранысқа ие, қажетті маман болу үшін кәсіби маман сыни ойлау, креативті әрекет жасау, ұжымда жұмыс істей білу, игі қарым-қатынас орната білу, дұрыс шешімдерді дер кезінде қабылдай білу машықтарына ие болуы керек. Бұл қазіргі заманғы дүниенің кілті мен талабы.
Кафедраның міндеттері:
-  ЖБМС және еңбек нарығының талаптарын толық орындау үшін білім беру бағдарламаларын жүзеге асыру механизмдерінің икемділігін жоғарлату;
-  кафедра пәндері бойынша теориялық – әдіснамалық және практикалық сабақтарын жоғары деңгейде жүргізу;
-  жұмыс беруші (бизнес - құрылым) өкілдерінің қатысуымен жасалынған және жаңартылған практикалық материалдарын пайдаланатын білім алушылардың аудиториялық және аудиториядан тыс (өзіндік) жұмыстарына арналған оқу, оқу-әдістемелік материалдары мен базасын қалыптастыру;
-   болашақ менеджердің тұлғалық қасиетін қалыптастыруға, жеке және кәсіби жоғарлауға ықпал ететін сенім мен дағды, сондай – ақ құндылықтар негізінде білім алушыларды жоғары жетістіккетерге ынталандыру;
-   білім алушылардың қатысуымен ғылыми мектеп аясында бизнестің көкейтесті мәселелері мен міндеттері бойынша ғылыми – практикалық зерттеулер жүргізу;
-   білім алушылар үшін тәжірибе, машықтану, тренинг ұйымдардың бірге қызмет атқаруы.
Кафедраның профессор-оқытушылық құрамы жоғары мамандандырылған кадрларға негізделген. Қазіргі таңда кафедрада 13 штаттық оқытушы жұмыс жасайды, соның ішінде: 
-   1 ғылым докторы, профессор; 
-    3 ғылым кандидаттары, доценттер;
-    9 магистр.

Білім беру бағдарламасына келетін болсақ кафедра екі бағытта мамандық дайындаймыз:
-         бакалавриат:
5В050700 – «Менеджмент»; 6В04102 – «Саладағы менеджмент»;
5В051000 – «Мемлекеттік және жергілікті басқару»; 6В04103 – «Экономика және мемлекеттік басқару».

6В04102-САЛАДАҒЫ МЕНЕДЖМЕНТ: Мақсаты: Менеджмент және ұйымдар саласында Қазақстанның еңбек нарығында бәсекеге қабілетті мамандар даярлау, кең ауқымды және көзқарастардың кеңістігі, ойлау мен кәсіби дағдылардың жаһандануы, әр түрлі салаларда кең басқарушылық негіздеумен бірыңғай әдістер мен шешімдер қабылдау тәсілдерін қолдануға мүмкіндік береді, ұйымның жұмыс жағдайына тез бейімделуге, ғылыми тәсілдерді, қағидалар мен басқару әдістерін тиімді қолданады, осылайша ұйымның ұзақ мерзімді тұрақты жұмысын және оның бәсекеге қабілеттілігін қамтамасыз етеді.
Саладағы менеджмент мамандығын бітірген соң кім болып шығасыз: экономиканың нақты секторында, сарапшы, қаржы-банк жүйесінде, бизнес пен кәсіпкерлікте, жобалау-конструкторлық және ғылыми-зерттеу ұйымдарында, әр түрлі меншік формасындағы фирмаларда қызмет атқара аласыздар.
6В04103-ЭКОНОМИКА ЖӘНЕ МЕМЛЕКЕТТІК БАСҚАРУ мамандығының мақсаты: мемлекеттік билік және жергілікті өзін-өзі басқару органдарында, мемлекеттік және муниципалдық кәсіпорындарда, мекемелерде, коммерциялық емес және коммерциялық ұйымдарда ұйымдастырушылық, аналитикалық және жобалық қызмет үшін Қазақстандық еңбек нарығында жоғары білікті басқарушыларды дайындау болып табылады. Оқыту барысында осы бағдарламаның студенттері әлеуметтік-экономикалық және саяси процестерді талдау, негізделген басқарушылық шешімдерді әзірлеу дағдыларын игереді.
Аталған мамандық бойынша – жергілікті деңгейдегі мемлекеттік органдар, меншік нысандары, әр түрлі қызметтегі экономикалық, қаржылық, сараптамалық ұйымдар мен кәсіпорындарда; ғылыми-зерттеу институттарында, бастапқы кәсіптік, орта кәсіптік, білім беру мекемелерінде еңбек ете аласыздар.
         Кафедра өзінің қызмет ету жылдарында 1000-нан аса менеджер, мемлекеттік қызметкер мамандарын дайындады. Олардың басым көпшілігі Қазақстан және шет мемлекеттердің фирмаларында, ұйымдарда, кәсіпорындарда басқарушылық қызмет атқарады.

Мекемелермен байланыс
Ынтымақтастық үшін Кафедра ғалымдары мен студент жастары үшін маңызы зор  өзара келесі ұйымдармен меморандум жасалды: Атырау облысы әкім аппараты, ҚР мемлекеттік қызмет істері агенттігінің Атырау облысы бойынша департаменті, ҚР президентінің жанындағы мемлекеттік басқару академиясы Атырау облысы бойынша филиалымен және Жауапкершілігі шектеулі серіктестігі «Шыңдау».

  

Аз уақыттың ішінде аймақтағы жетекші кәсіпорындарда кафедра филиалдары ашылып, оқу ордасының студенттері теориялық білімдерін тәжірибемен ұштастырып келеді. Әсіресе, өңірімізде жақсы дамып, жоғары нәтижелерге қол жеткізіп отырған басқару, ұйымдастыру саласының біздің білім алушылар үшін маңызы өте зор.