Жоба жаңалықтары

29 сәуірде Халел Досмұхамедов атындағы Атырау мемлекеттік университетінде студенттерді кәсіпкерлік негіздеріне оқыту мен жастардың бизнес ортасын қалыптастыруға арналған «Алты кілт – Алтын кілт» атты инновациялық идеялар жобасының 3-ші аптасы өтті. Алдыңғы аптада әр командаға 1000 теңге ақша беріліп, сол ақшаны қандай да бір заңды бизнес – идеялар арқылы бірнеше есе көбейту болатын. Бұл тапсырманы да командалар кездескен қиындықтарға, сәтсіздіктерге қарамастан өте жоғарғы деңгейде орындаған. Командалар жұмыстарын әр түрлі (фото, көрініс, слайд) тәсілдері арқылы көрсетті. Нәтижесі төмендегідей болды: «Люди в форме буквы Т» командасы университеттің актовый залында кинотеатр ұйымдастырған. Арнайы билеттерді 300 теңгеден сатып нәтижесінде 4800 теңге қаражат тапқан. «Double» командасы 2 турдан тұратын интеллектуалды ойын ұйымдастырған. 1 турда мектеп бағдарламасынан 5 сұрақ қойып, әр дұрыс жауапқа мұз кәмпиттер сыйға берген. 2 турда қойылған 5 сұраққа нақты дұрыс жауап берсе 500 теңге беріп, керісінше жауап бере алмағандардан 500 теңге алып барлығы 2000 теңге ақша тапқан. «Ideas» командасының мүшесі Гульнара бет күтімі саласына икемін пайдаланған. Керекті құралы ұлуды сатып алып, 5000 теңге көлемінде пайда түсірген. Бұл ақшаға «сэндвич» тағамына керек азық – түлік сатып алып, 1 күнде 30 сэндвич сатқан. Кейін тәтті нандар сатып, барлығы 20000 теңге ге дейін ақшаларын көбейткен. «Тhousand» командасы шетелдік азаматтарға «Қазақстан» атты шоколадтар сатып 8600 теңге ақша тапқан. «Perfect» командасы аниматор костюмдерімен шар сатып, кейінен интернет арқылы қолдан қыздарға арналған бұйымдар жасап сатып 20000 теңге жинады. Бұл команда 6000 теңгесін жобаға тапсырып, 14000 теңгесін қайырылымдылыққа жұмсады. «Millia» командасы қоғамдық орындарда шар және кинотеатрдан 600 теңгеге билет алып 900 теңге ге сатқан. Кейін өздері дайындаған ұн тағамдарын сатып барлығы 4250 теңге ақша тапқан. Бұл қаражаттардың барлығы бизнес-инкубатор қорына тапсырылады. Осы аптада командалардың жұмыстарына университтің 1-ші проректоры Айгерім Шиілбекова және облысымызға белгілі кәсіпкерлер Аяжан Кожекова, Сапарова Айгерім, «ASU Innovations» инновация және коммерцияландыру орталығының директоры Мир Джавид Хуссаин қазылық етті. Қазылар алқасының шешімімен «Ideas» командасы осы аптаның жеңімпаздары болды, жоба идеясының авторы Айгерім Шилібекова команданың әр мүшесіне кілттер табыстады. Айта кетсек, Ахужанова Гүльнара екінші рет кілт иегері атанып отыр. Жоба аяқталғанан кейін «әр кілт» 5000 теңгеге алмастырылады. Командалар жаңа құраммен құралып, келесі аптаға тапсырма алғанан кейін, Асылжан Ибатовна өткізген «Қалай жұмысқа орналасу керек?» атты семинар – тренингіне қатысты. 
Авторы: Алтынай СӘЛІМГЕРЕЙҚЫЗЫ

Тізімге қайта оралу