1. Басты бет
  2. Біздің университет
  3. Инновациялық жобалар
  4. iSPACE
  5. Алты кілт - алтын кілт

Алты кілт - алтын кілт

«Алты кілт-Алтын кілт» - инновациялық идеялар турнирі

«Алты кілт-Алтын кілт» жоба барысында студенттердің идеясын генерациялау үшін 1 аптаға бір тапсырма беріледі. Сенбі күні ұтқан 6 студенттен тұратын команда 6 кілт алады.  Жоба барысында қатысушылар тек қана тапсырмалар орындап қана қоймай, 6 апта бойы мамандардың 



  1. инновация
  2. бизнес
  3. көшбасшылық
  4. маркетинг
  5. топта жұмыс жасау
  6. келіссөздер жүргізу

тақырыптарындағы семинар-тренингке қатысып, біліктілік дағдыларын үйренеді. 6 аптадан соң топтар жаңа бизнес жоба ойлап тауып, презентацияға дайындалады.

Байқауды бақылап отыратын кеңес бекітіледі.

Кеңес төрайымы: Шилібекова А.С.

Кеңес мүшелері Бизнес-инкубатор бөлімі мамандары, жобаға қатысушы кәсіпкерлер, консультанттардан құралады.

Іске асырылу уақыты: 15 сәуір-3 маусым аралығы

Жобаларды қорғау: 8 маусым

Жобаға қатысушылар:1-4 курс арасындағы университет студенттері 

.

 «Алты кілт-Алтын кілт» инновациялық идеялар турнирі жобасының мақсаты:

  1. Атырау облысы кәсіпкерлерімен байланыс орнату;
  2. Жаңа бизнес-идеяларды іздеуді студенттерге үйрету және идеяларды генерациялау;
  3. Университет қабырғасында жүріп жаңа кәсіп ашу үшін студенттерге біліктілік дағдыларын үйрету
  4. Тапсырмалар арқылы студенттерге кәсіпкерлікпен айналысып көруге жағдай жасау;
  5. Жаңа бизнес-идеяны қаржыландыру және университет тарапынан қаржылай, психологиялық және біліммен қолдау көрсету,


Қатысушы командалар үшін:

Жобаға университеттің кез-келген мамандығында оқитын студенттер қатыса алады. 1 команда 6 студенттен құралады, команда құрамы жеребе арқылы әр апта сайын алмасып отырады және оларға бір аптаға тапсырма беріледі. Апта соңында командалар жасаған жұмыстарына презентация жасайды. Келесі аптаға тапсырма берілмес бұрын жеңімпаздар анықталып, кілттермен марапатталады.

6 аптадан соң топтар жаңа бизнес жоба ойлап тауып, презентацияға дайындалады. Әрбір топқа Атырау облысындағы жас кәсіпкерлер арасынан тәжірибелі жас кәсіпкер жетекшілік етеді. Тапсырмаларды орындаған кезде басқа адамдардың құқықтарына қол сұғуға, мүлікке зиян келтіруге, ар-намысқа тиюге болмайды. Жобада бір рет семинарға келмеген немесе тапсырма орындамаған студент жобадан шығады, ол әрбір қатысушы студент пен жобаны ұйымдастырушылар арасында жасалатын келісім-шартта көрсетіледі. Жоба соңында марапаттау командамен және жекелей де болады.Команда өз жобаларын жүзеге асыруға 300000 (үш жүз мың теңге) ұтса,  жеке қатысушы әр ұтқан кілті үшін 5000 (бес мың теңге) көлемінде марапатталады.

Қатысушы блогерлер үшін: Сонымен қатар жобаға 6 блогер (3 орыс тілді, 3 қазақ тілді) қатысады.  Блогерлер мамандардың семинар-тренингтеріне қатысады және әр блогер бір команданың құрамына қосылып, сол қосылған командасының жұмысын бақылап отырады. Блогерлерге тапсырма:

  1. Семинар-тренинг өткізген спикер туралы мақала дайындау және ұйымдастырушылардың келісімімен әлеуметтік желіде жариялау
  2. команданың 1 қатысушысынан сұхбат (жоба аяғына дейін барлық команда қатиысушылары қамтылуы тиіс)
  3. командалардың жұмысы туралы аптасына бір рет ұйымдастырушылардың келісімімен әлеуметтік желіде пост жариялау
  4. командалардың жұмысын фотоға түсіру
  5. жобаға қатысушы жас кәсіпкерлердің бизнесі туралы пост дайындап, ұйымдастырушылардың келісімімен әлеуметтік желіде пост жариялау
  6. университет газетіне жоба туралы мақала дайындау

Жүлде қоры: 500000 теңге

Барлық қатысушылар сетификатқа, белсенді студенттер алғыс хат пен ақшалай жүлдеге ие болады. Жоба соңында «Ең үздік бизнес-идея» иегерлері болған топ Алтын кілт және 300000 теңге (үш жүз мың теңге) ұтысқа ие болады.

Жоба барысында кілттер иеленген қатысушылар жоба соңында әр кілтті 5000 (бес мың)теңгеге алмастырады және «Ең үздік қатысушы»анықталады

Блогерлер арасында

  1. «Алты кілт-алтын кілт» жобасы туралы ең үздік пост
  2. «Команда қатысушысы туралы ең үздік пост»
  3. «Командалардың жұмысы туралы ең үздік пост»
  4. «Спикер туралы ең үздік пост»
  5. «Университет газетіне ижарияланған Ең үздік мақала»
  6. «Ең үздік фото-сурет» номинациялары бойынша жеңімпаздар анықталатын болады.

.