Физика және техникалық пәндер кафедрасы физика, математика және ақпараттық технологиялар факультетіндегі жетекші кафедралардың бірі.
1950 жылы Гурьев қаласында мұғалімдер институты ашылған кезде бірінші физика -математика кафедрасы құрылды. Кейін халық ағарту жүйесіндегі өзгерістерге орай кең жүйелі мамандар дайындау үшін 1955 жылы педагогика институты болып қайта құрылған соң да, жеке физика кафедрасы жұмыс істеді. Сол жылдар аралығында физика кафедрасының меңгерушісі болып жұмыс істегендер: Қ.Ахметжанов 1955–1958жж., П.М.Иванов 1958–1959жж., Б.Уразгалиев 1959-1960жж., М.Д.Джумашев 1960–1969жж., К.Г.Габдуллин 1968–1972жж., А.Ж.Жалғасов 1972-1977жж., Сейтов Х.С. (1977-1987г.) болды.
1961 жылы физика кафедрасы физика жалпы техникалық пәндер кафедрасы болып екі кафедраға бөлінді. Кафедра меңгерушісі болып Е.Макеев тағайындалды. 1964 жылы бұл кафедралар қайтадан біріктірілді. 1973 жылы бұл кафедра физика және теориялық физика кафедрасы болып екіге бөлінді. Теориялық физика кафедрасын физика – математика ғылымдарының кандидаты Б.С.Сулейменов басқарды (1973-1984г.). Жалпы физика кафедрасын 1977 жылға дейін, физика- математика ғылымдарының кандидаты А.Жалғасов басшылық жасап, 1977 жылдан 1987 жылға дейін физика – математика ғылымдарының кандидаты, доцент Х.С. Сейтов кафедра меңгерушісі қызметін атқарды.
1987 жылы екі физика кафедрасы бірігіп, жалпы физика кафедрасы болып аталды. Оның меңгерушілігіне химия ғылымдарының кандидаты, профессор Ж.С.Сериков тағайындалды.
1990 жылы физика кафедрасы - жалпы техникалық және теориялық физика кафедрасы болып, қайтадан екі кафедраға бөлінді . Меңгерушісі физика - математика ғылымының кандидаты , доцент А.К.Ахметов болды.
Жалпы физика және физиканы оқыту әдістемесі кафедрасы меңгерушісі педагогика ғылымы кандидаты, профессор Ғ.И.Имашев 1993-1995 ж.ж., 1995 –1997 жылдары доцент М.Н. Наубетжанов басқарды. 1997 жылы екі кафедра қайта бірігіп, физика кафедрасы болып аталды, оның меңгерушісі болып, профессор Ж.С. Сериков тағайындалды.
Әр жылдары кафедра жаңа кадрлармен толықтырылып отырды, ғылым докторлары, профессорлар: Ж.Е.Есмуханов, А.К.Ахметов, О.С.Нурсултанов, Ж.С.Ақылбаев, Н.Ғ.Жумамухамбетов, Қ.Ш.Шункеев, Д.О.Құлжанов, Р.Б.Ахметқалиев, ғылым кандидаттары және доценттер: Михальман И.М., Черников Ю., Кириллов В.В., Ахметкалиев Р.Б., Амандыков К., Сейкетов Р., Дуйсенбаев Б., Тажигулов Б., Сухарев Б.С. және аға оқытушылар мен оқытушылар: Тналиев О., Чейдуков И.Г., Тян В.Н., Ли Б., Айсиев М., Сапаров А., Глебов В.А., Кибасов О., Канашкин Е., Жакипова Г., Карпеков М., Кульжанов К., Хайрошева Г.Г., Калиманов А т.б.
Кейінгі жылдары кафедра меңгерушілігін қауымдастырылған профессор, п.ғ.к. Б.У.Қуанбаева (2005-2010), қауымдастырылған профессор, п.ғ.к. Абыканова Б.Т. (2010-2013 жж.), доцент, п.ғ.к. Сырбаева Ш.Ж. (2013-2017 жж.) атқарды. Осы кезеңде факультеттің дамуында үлкен өзгерістер болды: физика кафедрасының бірінші меңгерушісі Х.Ахмеджанов атындағы «Электротехника» кабинеті ашылды. «Физиканы оқыту әдістемесі», «Электротехника және микропроцессорлық жүйе» зертханалары жаңа құралдармен жабдықталды.
2017 жылдан бүгінгі күнге дейін кафедра меңгерушілігі қызметін физика-математика ғылымдарының кандидаты, қауымдастырылған профессор Ж.Г.Джумамухамбетов атқаруда. Кафедрада п.ғ.д., профессор Г.И. Имашев, ф-м.ғ.к., қауымдастырылған профессор Ж.Г.Джумамухамбетов, п.ғ.к., қауымдастырылған профессор Б.У.Қуанбаева, п.ғ.к., қауымдастырылған профессор Абыканова Б.Т., п.ғ.к. Сырбаева Ш.Ж., х.ғ.к., қауымдастырылған профессор м.а. Амангосова А.Г., магистр, аға оқытушылар: Рахметова М.Т., Салыкбаева Ж.К., магистр, оқытушылар: Тумышева А.А., Мырзагерейқызы Г., Гайнеденов Н.А., Утешова С.А. жұмыс істейді. ПОҚ ғылыми әлеуеті 50% құрайды.
Физика және техникалық пәндер кафедрасы жаңартылған оқу бағдарламасының бағыты бойынша келесі мамандықтарды дайындайды: 6В01502- физика пәнінің мұғалімі, 6В01509- физика-информатика пәнінің мұғалімі, 6В05302-Физик-зерттеуші, 6В07501-Стандарттау және сертификаттау, 7М05302-Физика.
Жыл сайын «Физика», «Физика информатика», «Стандарттау және сертификаттау» мамандығының студенттері мен магистранттары республикалық ғылыми-зерттеу конкурсына қатысып жүлделі орынға ие болып жұр. Атап айтсақ, 2019 жылы 1 курс магистранты Қабиден Қыдыр, 3 курс студенті Нурхатов Ізбасар, 1 курс студенттері Аманкусова Л., Қайыржан М., 3 курс студенті Тагим Д. 3-і дәрежелі дипломмен марапатталған. «Лучшая научная работа – 2020» атты Халықаралық ғылыми-зерттеу жұмыстарының байқауында 6В07501-Стандарттау және сертификаттау мамандығының 2 курс студенті Қуанышева А.Ж. 1- орынға ие болды.
«ЖОО ұздік оқытушысы» атағына п.ғ.к., қауымдастырылған профессор Абыканова Б.Т. (2016ж), п.ғ.к., қауымдастырылған профессор Б.У.Қуанбаева (2019ж), магистр, аға оқытушылар: Рахметова М.Т. және Бекова Г.Т. (2019ж) ие болды.