«Психология» кафедрасы 1982 жылы педагогика кафедрасының құрамынан бөлініп, жалпы университеттік психология кафедрасы құрылды.
Кафедра құрылғаннан бері меңгерушілік қызметте болған оқытушылар:
1982 жылы Токарев В.В., Хан Н.Н, 1983-1992 ж. Айдаралиев Г.А, 1993-2000 ж. Нурмукашева С.К,
2000-2003 ж . Джанзакова Ш.И, 2003-2006 ж Миралиева А.Ж, 2006-2009 ж. Сабирова Ж.Н, 2009-2014 ж.
Жумашева Н.С, 2014 жылдан қазірге дейін Шугаева Г.К..
Міндеттері:
- Бәсекеге қабілетті кадрларды сапалы даярлауды қамтамасыз ету.
- Әлемдік үрдістер аясында жоғары және жоғары оқу орнынан кейінгі білім беру мазмұнын жаңғырту.
- Ғылыми зерттеулер нәтижелерін және технологияларды коммерцияландыру үшін жағдайлар жасау.
- Білім алушыларды «Мәңгілік Ел» жалпыұлттық патриоттық идеясының рухани-адамгершілік құндылықтарын
және салауатты өмір салты мәдениетін нығайтуға қатыстыру.
- Жоғары және жоғары оқу орнынан кейінгі білім беру менеджментін және даму мониторингісін жетілдіру.
-Оқу процесіне цифрлық технологияны кеңінен енгізу және жобалап оқыту әдісін жүзеге асыру.
Бәсекеге қабілетті, кәсіби және рухани жағынан дамыған, жаңа идеяларға толы мамандар даярлау кафедраның профессор- оқытушылар құрамының негізгі міндеттері.
Кафедра қалыптасқан дәстүрлі жұмыстарды жалғастырып, психологиялық бағытта жаңа тың жұмыстарды жандандыруда. Атап айтсақ, Республика, облыс көлемінде ғылыми-практикалық конференциялар, семинарлар, дөңгелек үстел басында кездесулер өткізу дәстүрге айналып отыр. Кафедрада бүгінде республикалы қ психологиялық олимпиадалар мен студенттердің ғылыми зерттеу жұмыстары жағынан жетістіктерге жетуде. Бүгінде кафедра 5В050300-Психология, 5В010300-Педагогика және психология, 5В010500-Дефектология мамандықтары бойынша бакалаврлер және 6М010300-Педагогика және психология мамандығы бойынша білікті магистрлер даярлауда. Аталған мамандықтар бойынша академиялық ұтқырлық бағдарламасымен Алматы, Ақтөбе қалаларында білімдерін жетілдірген студенттер өз тәжірибелерін ортаға салды. Академиялық ұтқырлық бағдарламасы бойынша Қалмақ Мемлекеттік Университет профессоры, педагогика ғылымдарының докторы А.Б.Панькин кафедра ұсынысымен университетімізге келіп, студенттерге және магистранттарға дәріс оқыды. Мәскеу Мемлекеттік Педагогикалық Университетінің профессоры, психология кафедрасының меңгерушісі С.Н.Моразюк оқытушыларға, студенттерге, магистранттарға тренинг, мастер класс өткізді.
Кафедра профессорлары, оқытушылары «Ғылымды дамытудағы еңбегі үшін» төс белгісімен,
Ы.Алтынсарин төс белгісімен, К.Д.Ушинский төс белгісімен, ҚР оқу ісінің үздік төс белгісімен және
Білім және Ғылым министрінің алғыс хаттарымен марапатталды.
Кафедра жанынан құрылған « Жас психолог» клубы студенттердің өз бойындағы мықты жақтарын және ерекше
қабілеттерін айқындау үшін және кез-келген психологиялық мәселелерде, кикілжіңдерде, өзін және
өзгені түсініп, оңтайлы шешім қабылдау үшін көп көмегін тигізеді.Сонымен қатар кафедра жанынан
құрылған « Мейірім» волонтерлық топ университетіміздегі мүмкіндігі шектеулі балаларға көмек
көрсетіліп, түрлі шаралар өткізуде.
Кафедра алғаш болып, жобалау арқылы оқыту әдістемесін университеттің оқу жүйесіне енгізді.Осы жұмыс бойынша кафедра профессор-оқытушылары, студенттермен « Көшбасшылық және жетістікке жету психологиясы » тақырыбында жоба жұмысын сәтті қорғап, соның нәтижесінде авторлық құқық беретін куәлік алды және осы мәселе ЖАК журналында, Scopus журналында жарияланды.
Кафедра оқытушылары мен студенттерімен бірігіп, «Батыс өңіріндегі инклюзивті білім беру мәселелері» және «Суицидтің алдын-алу жолдары» тақырыбындағы жоба басталып, дуалдық білім беру жүйесі мақсатында Атырау қаласындағы № 2, 6 мектеп филиалдарында сауалнама, тренингтер және зерттеу жұмыстары арқылы жүзеге асырылып жатыр.
Кафедра жанынан құрылған Психологиялық-педагогикалық технологиялар зертханасында Қазақстандағы белсенді университеттерімен онлайн-вебинарлар және облысымыздағы құқық қорғау органдарындағы психологтармен семинар өткізілді.