Кафедра құрылған сәттен бастап және қызмет еткен барлық кезеңдерінде кафедра зор, абыройлы жолдан өтті, педагогтар армиясын, облыстағы және республикадағы кәсіби жоғары білікті қызметкерлерді дайындауға және тәрбиелеуге зор үлес қосты. Кафедра түлектерінің ішінде бірқатар ғалымдар, мемлекеттік және қоғам қайраткерлері, өндірістердің ірі кәсіпкерлері жоғары деңгейде көрініп жүр.
Кафедра меңгерушісі лауазымында жұмыс жасағандар: 1979- 2010 жж. п.ғ.к. Каржаубаев А.Б.; 2010-2014жж. п.ғ.к. Туленова У.Т.; 2014-2018жж. п.ғ.д. Муханбетжанова А.У, 2018-2023жж п.ғ.к Утешкалиева А.М., қазіргі уақытта кафедра меңгерушісі - қауымдастырылған профессор м.а., PhD Кинжибаева Ф.Б. Олар кафедраның оқу-педагогикалық және ғылыми-зерттеу қызметіне өте зор үлес қосты. Кафедрада кәсіби, жоғары білікті кадрларды дайындауда А.М. Муханбетжанованың, Б.Д. Калимукашеваның, С.Г. Аслялиеваның., Г.Е. Ищанованың және т.б. еңбектерін ерекше атап өтуге болады. Олардың көпшілігі кафедрада қажырлы еңбек етті. Кафедрада педагогикалық бейіндегі ғылыми мектеп қалыптасып, жемісті жұмыс жасап келеді. Қазіргі уақытта осы ғылыми мектеп сапалы жаңа деңгейде тұр, ал кафедрамыздың түлектері, кандидаттық және докторлық диссертацияларды жетістікпен қорғап шыққан талантты жас оқытушы-ғалымдармен толығып, кеңейіп келеді. Кафедраның ғылыми мектеп атауы: «Мектепке дейінгі және бастауыш білім беру интеграциясы». Оның ғылыми бағыты: Білім беру мен тәрбиелеудің мектепке дейінгі және бастауыш білім беру сабақтастығы. Жетекшісі: Кинжибаева Ф.Б.
Кафедра қалыптасқан дәстүрлі жұмыстарды жалғастырып, жаңа тың жұмыстарды жандандыруда. Атап айтсақ, кафедраның профессор-оқытушылары ғылыми-зерттеу жұмыстарының негізгі бағыттары бойынша жылдық жоспарға сәйкес - ғылыми мақалалар мен оқу-әдістемелік құралдарын жазу, халықаралық, республикалық, облыстық ғылыми-практикалық конференцияларда баяндамалар жасау, ғылыми зерттеу тақырыптарымен ізденіс жұмыстарын жүргізу, студенттердің ғылыми жұмыстарына жетекшілік жасау, студенттерге ғылыми мақалалар мен баяндамалар даярлауға көмектесу, өзге де іргелі жоғары оқу орындарымен, ғылыми-зерттеу орталықтарымен, мұғалімдердің біліктілігін арттыру және қайта даярлау институттарымен байланыста жұмыс жасауға қатысты жұмыстар атқару болып табылады.
Кафедраның профессор-оқытушылар құрамы Қыздар мемлекеттік педагогикалық институтының, Абай атындағы Ұлттық мемлекеттік педагогикалық университетінің, Ы.Алтынсарин атындағы Ұлттық білім беру академиясының, «НЗМ» ДББҰ педагогикалық шеберлік орталығы және білім жетілдіру және қайта даярлау институтының ғалымдарымен тығыз байланыста. Бұл бағытта бірлескен облыстық, халықаралық конференциялар өткізу, ғылыми жетекшілік жасау, оппонент болу сияқты кеңінен жүргізіліп отырылған жұмыстарды атап өтуге болады.
Кафедрада бүгінде республикалық пәндік олимпиадалар мен студенттердің ғылыми зерттеу жұмыстары жағынан жетістіктерге жетуде. Бүгінгі күні 7М01301-«Білім берудегі менеджмент» білім бағдарламасы бойынша білікті магистрлер даярлауда. Аталған мамандықтар бойынша академиялық ұтқырлық бағдарламасымен Алматы, Ақтөбе қалаларында білімдерін жетілдірген студенттер өз тәжірибелерін ортаға салуда. Академиялық ұтқырлықтың басты мақсаты – халықаралық стандарттарға сәйкес қазақстандық жоғары білім сапасын қамтамасыз ету, оның бәсекеге қабілеттілігін арттыру.
Кафедра кураторлары студенттерге сапалы білім берумен қатар, студенттер арасында тәрбие жұмыстарын жоспарға сәйкес бес бағытта тәрбие шараларын жүргізіп отырады. Кафедраның тәрбие жұмысы жастарды азаматтылыққа, отансүйгіштікке, зиялылыққа, адам құқықтары мен бостандықтарын, мемлекеттік рәміздер мен ұлттық дәстүрлерді сыйлауға тәрбиелеу; өзінің және қоғамның алдында, мәдени ортада өз іс – әрекетінің нәтижесі үшін жауапкершілікті сезінуде дүниетанымен қалыптастыру; мемлекеттік тілді және басқа тілдерді үйрену арқылы жастардың әлем мәдениетін зерттеуіне жағдай жасау; еліміздің қалыптасқан дәстүрлері негізінде этникалық және діни толеранттылықты тәрбиелеу; жастардың бойында Қазақстанға сырттан енуші этнодіни экстремизм мен түрлі радикалды ағымдарға қарсы әрекет ете алатын дағдылар қалыптастыруға бағытталған.
Бәсекеге қабілетті, кәсіби және рухани жағынан дамыған, жаңа идеяларға толы мамандар даярлау кафедраның профессор- оқытушылар құрамының негізгі міндеттері.