«География, туризм және су ресурстары» кафедрасы
Мұнайлы өлке - Атырау облысына және жалпы Қазақстан Республикасына жоғары білімді маман-кадрларды
дайындауда Халел Досмұхамедов атындағы Атырау мемлекеттік университетінің алатын орны ерекше. Оның
ішінде география, туризм және су ресурстарын мамандарын дайындайтын бірден-бір кафедра – География,
туризм және су ресурстары кафедрасы.
Кафедра басты үш бағытта қызмет етеді. Олар: ғылыми, оқу-әдістемелік, тәрбие жұмыстары бағыттары. Кафедрада оқытушылардың жетекшілігімен студенттер түрлі бағытта ғылыми жұмыстармен айналысып келеді. Кафедраның оқытушылар құрамы ауылшаруашылық ғылымдар докторы Мухамбетов Б., Доцент Альжанова Р., География ғылымдарының кандидаты, қ.профессор Нургалиева Г.Ж., Педагогика ғылымдарының кандидаты, қ.профессор Баймұқашева Ғ.Қ. сонымен қоса 5 аға оқытушы магистр қызмет етеді.
Оқу-әдістемелік жұмыстар көп жағдайда тәрбиелік іс-шаралармен ұштасып жатады. Соның ішінде студенттердің қатысуымен түрлі интеллектуалдық ойындар, студенттер арасындағы республикалық олимпиадалар, туризм күніне орай ұйымдастырылған экскурсиялар, мерекелік шаралар, студенттік өнер сайыстары т.б. жиі-жиі ұйымдастырылып отырады. Сонымен қатар, оқу барысында жоспарға сай өткізілетін далалық практикалар, жетекші өндіріс орындарында өндірістік практикалар, эконом-географиялық практикаларды еліміздің басқа облыстарында өткізу ұйымдастырылады. Атап айтқанда туризм мамандығының бітіруші курс студенттері «Атамекен» бағдарламасы аясында Көкшетау өңіріндегі «Бурабай» демалыс орнына, Батыс Қазақстан облысында, Астрахань қаласында, туризм-география мамандығының студенттері туризмнің орталығы болып табылатын Түркияның Анкара қаласында практикадан өтіп, теория жүзіндегі алған білімдерін практикамен ұштастырып келді.
Университетіміз білім деңгейі жоғары алыс – жақын шет ел мемлекеттерінің ірі оқу орындарымен келісім - шарт орнатып студенттеріміздің терең әрі жан – жақты білім алуға толығымен жағдай туғызып отыр. Оның бір айғағы, биылғы оқу жылының қыркүйек айынан бастап 5В090200 - Туризм мамандығының 2 курс студенті Дюсенғали Аида Маратқызы Түркия мемлекетінің Сакарья университетінде академиялық ұтқырлық бойынша білім алып жатырғандығы
Еліміздің белгілі оқу орындарының, шет мемлекеттердің біліктілігі жоғары профессор оқытушылар кафедраға қарасты мамандықтарға лекция оқып, өзінің оқу – тәжірбиесімен бөлісіп келеді. Қалмақ мемлекеттік университетінің профессоры, география ғылымдарының докторы Г.Э. Настинованың бітіруші курс студенттеріне, Абай атындағы Алматы мемлекеттік университетінің География ғылымдарының докторы Б.Ш.Адбиманоповтың география мамандағының бірінші курс студенттеріне география мамандағының бірінші курс студенттеріне лекция оқып, өзінің оқу-тәжірбиесімен бөліскені оған үлкен мысал бола алады.
География, туризм және су ресурстары кафедрасы жоғары білімді мамандарды дайындайтын және оларды тәрбиелейтін бірден-бір кафедра. Қымбатты жас түлек, жарқын болашақ пен асқақ армандардың баспалдағы саналатын Батыс өңіріндегі берден бір университет қарашаңырақпен бірге биік белестерді бағындырып, білім шыңдарына бірге жетуге шақырамыз.