Қаржы және есеп кафедрасы

Қаржы және есеп кафедрасы Ұлттық рухы биік, адамгершілігі жоғары, салауатты өмір салтын ұстанатын, елінің өткенін құрмет тұтып, ертеңіне өз үлесін қосуды парызым деп білетін жан-жақты білімді, қабілетті, жаңашыл тұлға қалыптастыруда білім алушылармен түрлі тәрбиелік шаралар өткізеді.
15 қыркүйекте Қазақстан Республикасы Тәуелсіздігінің 30 жылдығы қарсаңында Экономика және құқық факультетінің ұйымдастырумен 1 курс студенттерінің арасында кросстан жарыс өткізілді.
Нәтижесінде ұлдар арасында жарыста құқықтану мамандығының студенттері оза шапты. Атап айтсақ, 1 орынды Ізбасар Жанболатов, 2 орынды Жансерік Қайратұлы, 3 орынды Ильяс Қанатов иеленді.
Қыздар арасында 1 орынды Бизнес процестерінің есебі, аудиті және талдау мамандығының студенті Айназ Мағзомова иеленді. Ал, 2 орын экономика және мемлекеттік басқару мамандығының студенті Шұғыла Шайдоллаеваға бұйырса, 3 орынға экономика мамандығының студенті Динара Ерімбетова ие болды. Жеңімпаздарды шын жүректен құттықтаймыз.
Тәрбиелік шараның ұйымдастырушысы тәрбие жұмыстары жөніндегі декан орынбасары А.Қ. Масалимоваға, факультеттің жауапты жаттықтырушысы Р.А.Абигалиевке және топ кураторларына шығармашылық жетістіктер тілейміз.

«Ұстаз болу -жүректің батырлығы» атты ағаш отырғызу акциясы

30 қыркүйек күні Х.Досмұхамедов атындағы Атырау университетінің Қаржы және есеп кафедрасы профессор оқытушылар құрамымен мен студенттері ұстаздар күні қарсаңында өткен «Ұстаз болу -жүректің батырлығы» атты ағаш отырғызу акциясына белсене қатысты.
Ақцияның мақсаты ағаш отырғызу арқылы болашақ ұрпаққа табиғат анаға, күллі жаратылысқа деген ықыласын оятып, адам баласының табиғатпен үйлесімді түрде дамитынын ұғындыру. Қоршаған ортаның жақсаруына өз үлесімізді қосу.

1 НАУРЫЗ-АЛҒЫС АЙТУ КҮНІ

1 наурыз күні біз жалпыхалықтық мереке - Алғыс айту күнін атап өтудеміз. Бұл мереке біздің ортақ тарихымыздың символы, Қазақстан халқының жалпыұлттық бірлігінің, құрметі мен ынтымағының күні. Бұл - Ұлы Дала елінің ұлағатты өткеніне тағзым, Мәңгілік Елдің бүгініне және Болашағы біртұтас елдің ертеңіне деген нық сенім.
Алғыс айту күніне орай Қаржы және есеп кафедрасы білім алушылардың ата-аналарына олардың оқудағы табыстары, дарынды әрі үлгілі шәкірт тәрбиелегендері үшін зор ризашалық білдіріп, алғыс хат табыстады.

«Күзгі балл»

25 қараша күні Халел Досмұхамедов атындағы Атырау университетінде «Күзгі балл» сайысы өтті. Экономика және құқық факультеті атынан үміткерлер: Доскулов Әкежан, Сәндіғалиқызы Іңкәр. Керемет өнер көрсетіп, 1 орын иеленіп жеңімпаз атанды. Доскулов Әкежан-6В04105-Қаржы және аналитика мамандығының, 2 курс студенті.

ҰЛТТЫҚ ВАЛЮТА - ТЕҢГЕ КҮНІ

Қазақ елі үшін мән-маңызы жағынан беделі жоғары тұрған бір күн бар. Ол – ұлттық валютамыз теңгенің айналымға енген күні. Осы күн елімізде сонымен қатар, қаржыгерлердің кәсіби мерекесі ретінде де аталып өтіледі. Осы атаулы күндер аясында Экономика және құқық факультетінің Қаржы және есеп кафедрасы «Сбербанк» АҚ ЕБ бірлесіп студенттер арасында олардың ғылыми-зерттеу қызметіне деген таланттары мен қабілеттерін анықтау мақсатында «Студенттің көзімен болашақ банкир» тақырыбында «Үздік эссе» байқауын өткізді. Конкурс нәтижесін «Сбербанк» АҚ ЕБ комиссиясы іріктеп, қорытындысын шығарған болатын. Ұйымдастырылған шарада банк директор орынбасарлары Н.А. Жалмагамбаетова, З.М.Мендигалиева және бөлім басшысы А.А. Штаконов студенттерді І,ІІ,ІІІ дәрежелі дипломдарымен марапаттап, құттықтады. Сонымен қатар Қаржы және есеп кафедрасының 6В04105-Қаржы және аналитика мамандығының студенттері «Сбербанк» АҚ ЕБ ұйымдастырған конкурсқа қатыса отырып, қызметкерлермен және бөлім басшыларымен тіл табысып, ойлаудың анықтығы мен тиімділігін арттыруға бағытталған «Моментальды карталар немесе супер ойлау» деп аталатын шеберлік сағатына да қатысты.

«Қазақстанның ұлттық валютасына – 28 жыл» тақырыбында ашық дәріс және коллекциялық монеталардың түрлері бойынша көрме

Қазақ елі үшін мән-маңызы жағынан беделі жоғары күн болып саналатын – ұлттық валютамыз теңгенің айналымға енген күні екені баршаға мәлім. Осы күн елімізде сонымен қатар, қаржыгерлердің кәсіби мерекесі ретінде де аталып өтіледі. Осы атаулы күндерге орай Қаржы және есеп кафедрасының және «Қазақстан Республикасының Ұлттық банкі» РММ Атырау филиалының «Қазақстан Республикасының ұлттық валютасы-Теңге» күнін өткізу бойынша іс шаралар жоспарына сәйкес «Қазақстанның ұлттық валютасына – 28 жыл» тақырыбында ашық дәріс және коллекциялық монеталардың түрлері бойынша көрме өткізді. Әр түрлі білім бағдарламалары бойынша білім алушыларға дәрісті Қазақстан Республикасының Ұлттық банкі» РММ Атырау филиалының қолма-қол ақшамен жұмыс және кассалық операциялар бөлімі басшысының орынбасары А.А.Амин өткізді. Дәріс барысында төл теңгенің қалыптасу тарихы, ұлттық банктің қызметі жайында білім алушылар көп ақпарат алды. Сонымен қатар көрмеге ұсынылған коллекциялық монеталарды студенттер зор қызығушылықпен тамашалады.

16 желтоқсан-Тәуелсіздігімізге 30 жыл!

Биыл қастерлі Тәуелсіздігімізге 30 жыл толады. Бұл –қайта жаңғырған қазақ мемлекеттігінің, ата-бабаларымыз аңсаған азаттықтың тұғыры нығая түскенін әйгілейтін маңызды белес. Тарих тұрғысынан алғанда, отыз жыл – көзді ашып жұмғандай қас-қағым сәт. Дегенмен, бұл көптеген халықтар үшін қиындығы мен қуанышы, дағдарысы мен дамуы алмасқан тұтас дәуір деуге болады. Біз де осындай жолдан өтіп келеміз.
Тәуелсіздіктің 30 жылдығында Қазақстан елеулі жетістіктерге жетті және күрделі сын-қатерлерден өтті. Төл валютасын қолданысқа енгізді. Айбынды әскерін құрды. Шекараларын бекітіп, жаңа астанасын салды. Мемлекеттік рәміздерін бекітті. Орнықты мемлекеттік институттары бар және экономикасы бәсекеге қабілетті демократиялық мемлекет ретінде қалыптасты. Әлемдік сауда-экономикалық жүйеге толық еніп, өзін сенімді серіктес ретінде көрсете білді. Бүгінде әлем бойынша 120-дан астам ел Қазақстанмен дипломатиялық қарым-қатынас орнатқан. Биылғы мерейтойлық жылда да елімізде ауқымды реформалар басталды, экономика мен әлеуметтік сала жаңғырып келеді. Пандемияға қарамастан, мемлекет отандық бизнеске қолдау көрсетіп жатыр. Халқымыздың саны 19 миллионнан асты.
Еліміздің атаулы мерекесі қарсаңында Қаржы және есепкафедрасына қарасты білім алушылар топ кураторларымен тәрбиелік шаралар өткізді. Атап айтсақ, 1 курс 6В04105-Қаржы және аналитика білім бағдарламасы бойынша білім алушылар «Тәуелсіздік-тұғырым» тақырыбында тәрбиелік шара өткізді.

1 НАУРЫЗ-АЛҒЫС АЙТУ КҮНІ.

«Ұлттық құндылықтар» апталығы

Қаржы және есеп кафедрасы «Ұлттық құндылықтар» апталығы аясында ұлттық тағамдар көрсетілімін ұйымдастыруға атсалысты. Шараның мақсаты ұлттық тағамдарды насихаттау, тарихы туралы ақпарат беру.
Аталмыш шараны құттықтау сөзімен Атырау облысының Құрметті азаматы, профессор Бақтыбек Жұбандықұлы Таубаев ашты.
Көрсетілімге жиналған қонақтарға ұлттық тағамдардан дәм тартқызып, факультет, кафедра ПОҚ мерекелік көңіл-күй сыйлады.

«Бақытты бала-бақытты ел»

14 сәуір күні Экономикалық және құқық факультеті Экономика кафедрасы балалар жылына орай «Бақытты бала-бақытты ел» атты спорттық эстафеталық сайысын ұйымдастырды.
Тәрбиелік сайысқа аталған факультет кафедраларынан екі оқытушы мен үш баладан құралған 5 команда қатысты. Әр команда өздерін таныстырып түрлі эстафеталық ойындар, жұмбақ шешу, сурет салу сынды кедергілерден өтті.
Шара барысында қатысушы балалар өздерін жан-жақты қырларынан көрсетіп, ән шырқап, би билеп өз өнерлерін паш етті.
Сайыс қорытындысы бойынша әділқазылар шешімімен Қаржы және есеп кафедрасы- Шыңдалған топ номинациясымен марапатталды. Сондай-ақ, бүлдіршіндерге арнайы сыйлықтар мен тәттілер таратылды.