Кездесудегі басты мақсат – университет бітірушілеріне мемлекеттік қызметке өту маңыздылығы мен жолдарын түсіндіру.
Алдымен сөз алған Департамент басшысының орынбасары, Әдеп жөніндегі кеңес хатшылығының меңгерушісі Еңсегенова А.А. ашып берді. Кездесу барысында ЖОО болашақ түлектері мемлекеттік қызметке орналасу ережелеріне және мамандарды іріктеуде қойылатын талаптарға қатысты сауалдар қойды. Барлық қызықтырған сұрақтарға департамент қызметкерлері толыққанды жауап қайтарды.
«Мемлекеттік қызмет - мемлекеттік саясатты жүзеге асыру мақсатында практикалық қызмет ететін биліктің атқарушы органдары. Бұл - тек жайлы кеңселер мен тұрақты жалақы ғана емес, бұл - күнделікті қарбалас, тынымсыз еңбек», - деп атап өтті департаменттің мемлекеттік қызмет басқармасының басшысы Шолпан Кайненова.
Іс-шара соңында мемлекеттік қызметке байланысты сұрақтар мен ұсыныстар айтылып және алдағы уақытта студенттерді Әдеп жөніндегі кеңесінің отырыстарына қатыстыруды айтып өтті.
ПІКІРЛЕР