2022 жылдың 11 ақпанда мектептің 10-11 сынып оқушыларына кәсіби-бағдар беру мақсатында ҚР Мемлекеттік қызмет істері агенттігінің Атырау облысы бойынша департаментінің ұйымдастыруымен және «Мемлекеттік мектеп қызметі» ғылыми үйірме аясында «Мемлекеттік қызметке түсу тәртібі» тақырыбында еркін форматта онлайн семинар өтті. Аталған шараға департаменттің бас маманы Қақиева Айнагүл Қазбекқызы алғашқы болып сөз сөйледі. Өз сөзінде болашақ түлектерге мемлекеттік қызметке түсу тәртібі туралы түсінік берді. Х.Досмұхмедов атындағы Атырау университеті, Экономика және құқық факультеті, Менеджмент кафедрасының аға оқытушысы Ералиева Айымгуль Алдабергенқызы орта мектептің түлектерімен кәсіби бағыт бағдар беру мақсатында нарықта көшбасшы бола алатын, үздіксіз білім алу, ғылыми-зерттеу және оқу үрдісіне инновациялық тәсілдерді жүзеге асыра алатын мамандар даярлауды көздейтіндігі туралы толық ашып айтып өтті.
Бітіруші түлектер сұрақ қойып қызығушылық танытты. Кездесу соңында түлектерге алдағы сынақтан жақсы нәтижемен сүрінбей өтуіне тілек білдірді.
ПІКІРЛЕР