2021 жылдың 25 қарашасында «Мемлекеттік қызмет мектебінің» іс – шаралар жоспарына сәйкес «Мемлекеттік органдардың ашықтығы» іс шарасы аясында ҚР Мемлекеттік қызмет істері агенттігінің Атырау облысы бойынша департаментінің ұйымдастырылуымен Х.Досмұхамедов атындағы Атырау университеті 5В051000 - «Мемлекеттік және жергілікті басқару» мамандығының 3, 4-курс студенттеріне ашық есік күні өтті. Басқосуда Мемлекет басшынының Жолдауында айтылған жастардың білім сапасын арттыру, оларды түрлі кәсіпке бейімдеу мәселелері сөз болды. Бұл іс-шарада жастарға Департаменттің әрбір басқармасы қызметінің негізгі бағыттары туралы түсіндірілді. Сонымен қатар мемлекеттік басқару реформалары туралы, мемлекеттік қызметке түсу шарттары туралы және дарынды жастар үшін құрылған мүмкіндіктер туралы ақпараттар берілді. Осы күн аясында студенттер Департамент басшылығымен, басқарма басшыларымен және ҚР Президенті жанындағы Мемлекеттік басқару академиясы филиалының өкілдерімен кездесіп, сұрақтарын қойды. Университет жастары департаменттің «open space» форматында жүргізілетін жұмыс түрімен танысты.
«Ашық есік күнінің» басты мақсаты - жастар арасында мемлекеттік қызметтің оң имиджін қалыптастыру, оларды мемлекеттік қызметке тарту, мемлекеттік қызметтің қоғамның дамуы мен өміріне қосқан үлесінің маңыздылығын насихаттау, сондай-ақ мемлекеттік қызметтің маңызды аспектілерін түсіндіру болып табылады»,- деді департамент басшысы Е.М. Ермаханбетов.
ПІКІРЛЕР