9 қазан күні Құқықтану мамандығының 1 курс студенттеріне "Академиялық жазылым" пәні бойынша "Плагиат және одан қорғану жолдары" тақырыбында тьютор "Азаматтық құқықтық пәндер" кафедрасының аға оқытушысы Султанова Алия Табылдықызының зум платформасында онлайн дәрісі өтті. Дәріс қонағы ретінде
Astana It University қауымдастырылған профессоры, филология ғылымдарының кандидаты Динаева Бекзат Бегалықызы шақырылды. Бекзат Бегалықызы Академиялық сауаттылық, Академиялық адалдық мәселелері бойынша бірнеше ғылыми еңбек жазған ғалым. Сол себепті ғалымның студенттермен бөлісер тәжірибесі де берер тағылымы да мол. Оны бір сағаттан аса өткізілген дәрісте студенттер ғана емес, кафедра оқытушылары да аңғарды. Дәрісте ғылым саласында өзектілігін жоймаған плагиат мәселесі, атап айтқанда, академиялық адалдықтың басты қағидалары, академиялық адалдыққа қарсы әрекеттер, плагиат жасаудан құтылу жолдары, сілтемелерді ресімдеу стильдері туралы біраз мәлімет берілді.
.png)
.png)
2024 жылдың 25 қаңтарында Х. Досмұхамедов атындағы Атырау университетінің Экономика және құқық факультеті Азаматтық құқық пәндері кафедрасының оқытушыларымен Атырау қаласының А.С.Пушкин атындағы № 20 мектеп-лицейін бітіруші сыныбына, К. Смағұлов атындағы орта мектебіне, №25 Б.Момышұлы атындағы мектеп оқушыларына кәсіптік бағдар беру жұмыстары жүргізілді.
Кәсіптік бағдар беру жұмысының негізгі мақсаты: Атырау облысының мектеп бітіруші түлектерін Х.Досмұхамедов атындағы Атырау университетінің білім беру бағдарламаларымен таныстыру.
Азаматтық-құқықтық пәндер кафедрасының оқытушылары болашақ талапкерлерді 6В04201-Құқықтану Білім беру бағдарламасының ерекшеліктерімен және университет тарапынан ұсынылатын жеңілдіктер мен мүмкіндіктер туралы айтылды. Болашақ талапкерлерді университет стратегиясымен және білім алушыларға жасалатын ғылыми жобалар мен студенттік ұйымдар, спорттық секциялар, әскери кафедра талаптарымен және академиялық ұтқырлық бағдарламалары туралы түсіндірілді. Талапкерлер тарапынан қойылған сауалдарға толығымен жауап алынды. Кәсіби білім бағдар жұмыстары талапкерлерге мамандық таңдау үшін өте маңызды шара екендігі сөзсіз.
Gallery
2024 жылы қаңтардың 31-ші жұлдызында Х.Досмұхамедов атындағы атырау университеті КеаҚ, Экономика және құқық факультетінің оқытушылары С.Қ Нысанова, Ж.Ж. Жағыпар, Н.А. Қобдабаева, А.К. Ермекбаева, А.К. Қадырбергенова, А.К.Масалимова Атырау қаласы, Өркен ықшам ауданындағы Хамит Ерғалиев атындағы №35 мектеп-гимназияда кәсіптік бағдар беру жұмыстарын жүргізді. Кәсіптік бағдар беру жұмысының мақсаты мектеп түлектерін университет туралы ақпаратпен және факультеттердің білім беру бағдарламаларымен таныстыру болып табылады. Кәсіптік бағдар беру жұмыстарында оқытушылары «Экономика және құқық» факультетіне қарасты 6В04101 – Экономика, 6В04102 -Саладағы менеджмент, 6В04103 – Экономика және мемлекеттік басқару, 6В04104 Бизнес -процестерінің есебі, аудиті және талдау, 6В04105 -Қаржы және аналитика, 6В04107-Маркетинг, 6В04204-Цифрлық заңгер, 6В04202- Құқық қорғау қызметі, 6B04201-Құқықтану білім беру бағдарламаларын таныстырып, оқу үдерісін жүргізу технологиясы, гранттар, ЖОО ұсынатын жеңілдіктер, студенттік өмір, студенттердің академиялық ұтқырлығы және т. б. туралы мағлұмат берді. Сондай-ақ, университеттің қабылдау комиссиясының мүшесі Н.А. Қобдабаева түлектерге оқуға түсу талаптарымен және қызықтырған сұрақтарына жауап беріп, университетке оқуға шақырды!!!
“Әкімшілік құқық саласындағы адам мен азаматтардың құқығы мен еркіндігінің қорғалуы”
2024 жылдың қыркүйек -қазан айларында Х.Досмухамедов атындағы Атырау Университетінде Экономика және құқық факультеті жанынан құрылған Заң клииникасының жоспарлы түрде халыққа заң кеңестерін ұсыну бойынша кезекті түсіндірме жұмыстары жүргізілді.
Заң клиникасы