Халықаралық серіктестік жұмысының жобасы басталды
23 сәуір күні Канаданың Саймон Фрейзер Университеті (Simon Fraser University) профессоры, доктор Роберт Уильямсонның (Dr. Robert Williamson) басшылығында дайындалған «Мүмкіндігі шектеулі балалардың білім беру тәжірибесін бағдарлайтын салыстырмалы халықаралық зерттеу» (A comparative international study navigating the educational experiences of children with dis/abilities) атты жоба жұмысына қатысты бірнеше мәселелер бойынша онлайн кездесу өткізілді.
Кездесуге Саймон Фрейзер Университеті (Simon Fraser University) профессоры, доктор Роберт Уильямсон, Атырау мен Ванкувер арасында алтын көпір орнатып отырған университетіміздің бұрынғы Бірінші проректоры, қазіргі таңда Канада Вэст Университетінің (University Canada West) профессоры және Педагогикалық шеберлік орталығының директоры, Саймон Фрейзер Университетінің Жаңашыл білім беру технологиялары саласында екінші PhD оқуын оқып жүрген Айгерім Сенбекқызы Шилібекова, профессор, доктор Роберт Уильямсон докторанты Ниа Пазоки және Университетіміздің Әлеуметтік мәселелер және жастар саясаты жөніндегі проректоры Л.Е. Қойшигулова, Инновациялық білім беру факультетінің деканы, п.ғ.д. А.Ө. Мұхамбетжанова, Психология және арнайы білім беру кафедрасының меңгерушісі п.ғ.к. Г.К.Шұғаева, Психология және арнайы білім беру кафедрасының п.ғ.к., доценті Ж.Н.Сабирова, Көптілді білім беру факультетінің деканы ф.ғ.к. А.А.Султангубиева қатысты.
Жоба мерзімі 3 жыл (2021 наурыз айынан бастап 2024 наурыз айына дейін). Екі апта бұрын жеңіп алған жобаның құрылымын, жобаға қатысатын мүшелердің қызметтері және зерттеуге алып отырған нысана, жобаның этикалық талабы туралы сөз қозғалды. Ғылыми жобаның жүзеге асуына бірнеше іс шаралардың өткізілу керектігі туралы да айтып кетті.
Сонымен қатар, кейбір халықаралық кездесулер кезінде қажет болатын, яғни қазақ тілінен – ағылшын тіліне, орыс тілінен – ағылшын тіліне аударуға тілдік аудармашылар ұсынылды. Бұл ұсынысты жоба басшысы қолдағанында атап өтуге болады.
Жоба аясында жасалатын жұмыстар туралы зерттеу тобына бірнеше сұрақтар қойылды. Және алдағы уақытта зерттеу тәжірибелері бойынша онлайн кездесулер өткізіліп отырады.
ПІКІРЛЕР