Х.Досмұхамедов атындағы Атырау университетінің ардагерлер Кеңесі университеттің сапа менеджменті жүйесінің 2018 жылы 14 желтоқсанда бекіткен ардагерлер Кеңесі туралы ереже бойынша жұмыс істейді. Кеңес университеттің қоғамдық құрылымы болып табылады.
    Ардагерлер Кеңесі өзінің құзыреттілігіне сай жоғары оқу орны әкімшілігі және кәсіподақ ұйымымен бірлесе отырып, зейнеткерлердің еңбек жағдайы мен құқығын қорғау, ардагерлердің қоғамдық өмірге қатысын, жоғары деңгейде әлеуметтік-тұрмыстық жағдайын қамтамасыз ету, кәсіподақ комитеті арқылы санаторийлік емделуін қамтамасыз ету, ардагерлердің оқу орындарында, еңбек ұжымдарында, қоғамдық мекемелерде аға буынның жауынгерлік және еңбек дәстүрлерін насихаттауға ықпал ету, ардагерлердің университеттегі әріптестерімен бірге түрлі ғылыми жобалар мен ғылыми зерттеулер жүргізуіне ықпал ету, жастарды қазақстандық патриотизм рухында тәрбиелеуге атсалысу,университеттің ішіндегі жалпы моралдық және психологиялық оңды ахуалдың қалыптасуына ықпал ету, университет оқытушы-профессорлар құрамының студенттерге, магистранттарға сапалы білім беру ісіне мүмкіндігінше көмектесу, ашық сабақтарға және өзара сабақтарға қатысу, жаңа технологияларды игеру, университеттің атынан бұқаралық ақпарат құралдарында үнемі хабарларға қатысу   міндеттерін жүзеге асырумен айналысып келеді. 2020 жылдың 15 сәуірінде университетте 78 профессор-оқытушы, 19 қызметкер еңбек етіп келеді. Профессор-оқытушы құрамынындағы ардагерлердің 77 пайызының ғылыми атақтары мен ғылыми дәрежелері бар. Университеттің ардагерлері республиканың, облыстың, қаланың және жоғары оқу орнының қоғамдық және мәдени-әлеуметтік өміріне тікелей араласа отырып, еліміздің және университеттің жоғары деңгейде дамуына ықпал етіп келеді. Ардагерлердің басым көпшілігі өздерінің мамандықтары бойынша оқу-әдістемелік және ғылыми жұмыстардың дамуына үлкен үлестерін қосып жүр.Тек соңғы үш жылдың ішінде ардагер ұстаздардың 100-дің үстінде оқулықтары мен оқу құралдары және ғылыми монографиялары республикалық «Арыс», «Фолиант», «Өлке» және Ақтөбе, Атырау қалалары баспаларынан жарық көрді. Мысалы, профессор Қ.Жүсіптің 2016-2019 жылдары «Жылдар жаңғырығы», «Даланың дарқан дауысы», «Сұлу сөз», «Сырлы жүрек сыңғыры», «Ұлы тұлғалар» атты кітаптары мен монографиялары, доцент С.Әжікеннің «Атырау-әнім», «Сырнай үні», «Баян ансамбльдеріне арналған шығармалар, «Атырау саздары», «Баян аспабында орындаушылық өнер тарихы», «Баян аспабабында оқыту әдістемесі» кітаптары, профессор А.Хамметовтың бір оқулығы, екі оқу құралы, профессор А.Шамғоновтың Исатай мен Махамбет туралы бірнеше зерттеулері жарық көріп, ғалым 2019 жылы Махамбет атындағы республикалық сыйлықтың лауреаты атанды. Осы мерзімде Ш.Нағымұлының «Азалы ақ кітап», «Атырау ұстаздары», «Батыс өлке тарихының тағылымды беттері» атты кітаптарымен қатар, республиканың арнаулы оқу орындары мен жоғары оқу орындары студенттеріне арналған «Мәдениеттану» оқулығы «Фолиант» баспасынан үшінші рет басылып шықты. Университет ардагерлері профессор Б.Таубаев облыстық «Елсана» руханиаттық орталығының, Ш.Нағымұлы облыстық онамастикалық комиссияның мүшесі ретінде өлкенің саяси-қоғамдық өмірінің дамуына өз үлестерін қосып келеді. Сонымен қатар ардагерлер 2017-2020 жылдардың аралығында Елбасы Н.Ә.Назарбаевтің «Болашаққа бағдар: рухани жаңғыру», «Ұлы даланың жеті қыры» атты бағдармаларын насихаттау және жүзеге асыру бағытындағы шараларға белсене қатыса отырып, облыстық «Атырау», «Прикаспийская коммуна» газеттеріне мақалалар жариялады, телевизиялық хабарларға қатысты.
    Университетің ардагерлер Кеңесі ректоратпен бірлесе отырып, қазіргі кезде жұмыс істемейтін, демалыстағы зейнеткерлермен байланыста болуды үнемі өз назарында ұстап отырады. Университеттің алты деканатымен және олардың құрамындағы кафедралардың меңгерушілерімен тығыз байланыста болудың нәтижесінде үйлерінде еңбек демалысында отырған зейнеткерлер моральдық тұрғыда назар аударусыз қалып отырған жоқ. Денсаулықтары нашарлаған кейбір ардагерлерге кәсіподақтың тарапынан бірнеше рет көмек көрсетілді. 2020 жылдың 24 қаңтарында университет ректоры профессор С.Н.Идрисовтың ұсынысы және қолдауымен «Жайық» мәдени-спорттық кешенінде университет ардагерлерімен ректордың кездесуі өтіп, оған 91 ардагер қатысты. Кездесуге жұмыс жасап жүрген ардагер ұстаздармен қатар еңбек демалысында отырған 11 зейнеткер қатысты. Университеттің қабырғасында өткізілген осындай игі шараларға ардагерлер Кеңесі басшылық жасап отырады. 2020 жылы 12 қарашада университет ардагерлерінің жалпы жиналысында төмендегі құрамда ардагерлер Кеңесі сайланды:

Нағымов Ш. Н. – Ардагерлер Кеңесінің төрағасы 

Әжікен С.С. – мүше, Гуманитарлық пәндер және өнер факультеті

Жүсіп Қ. Ө. – мүше, Көп тілді білім беру факультеті

Ырзағалиев Қ.  – мүше, Жаратылыстану және ауыл шаруашылығы ғылымдар факультеті

Мәмбетов Н.М.  – мүше, Инновациялық білім беру факультеті 

Хамметов А.Х. – мүше, Физика-математика және ақпаараттық білім беру факультеті

Таубаев Б. Ж. – мүше, Экономика және құқық факультеті

Тыныбаева Б.К. – мүше, университет әкімшілігі

ЕРЕЖЕ

Нағимов Шахман Нағимұлы

Төраға