Бизнес инкубатор

ENACTUS

      ENACTUS – әлемнің 35 елінде көшбасшылық пен кәсіпкерлікті үйрететін тәжірибеге бағытталған ең ірі платформа. Жастар кәсіпкерлігін дамыту-жастарды әлеуметтік-экономикалық өмірге белсенді тартуға мүмкіндік беріп, шағын және орта бизнеске жол ашады.
     Enactus – теориялық білімді практикалық қолдануда үйретуде жоғары білім мен бизнес арасындағы көпір. Барлық оқушыларға бизнестің қыр-сырын үйрететін орта мектеппен салыстырсақ, қателеспейміз.
    Жыл сайын республиканың 45 үздік жоғары оқу орындарының студенттері Enactus Kazakhstan EXPO ұлттық байқауында жүзеге асырылатын жобаларды таныстыру үшін жиналады. 2016 жылдың соңында студенттер 70 жобаны жүзеге асырып, 1000 адамды жұмыспен қамтыды.
    Үздік деп танылған команда Халықаралық байқауға қатысуға жолдама алады. ENACTUS KAZAKHSTAN Ұлттық кеңсесі жоғары оқу орындары, бизнес секторы және мемлекет арасындағы тиімді ынтымақтастықты қамтамасыз ету бойынша жүйелі жұмыс жүргізеді.
    «Х.Досмұхамедов атындағы Атырау университетінің» Enactus AU командасы Enactus Kazakhstan жобасына 5 жыл қатысып, 12 жобаны жүзеге асырды.

 «КНИГОМАНИЯ» КІТАП КЛУБЫ

«Книгомания» кітап клубы
Студент жастардың кітапқа деген сүйіспеншілігін ояту ғана емес, сонымен қатар соңғы кездегі кітап жаңалықтары мен өзекті мәселелерді талқылау мақсатында бас қосатын кітап клубы. Кітап – білім бұлағы, ой-өрісін, логикасын, ойлауын, есте сақтау қабілетін дамытатыны сөзсіз. Бүгінгі таңда Книгоманияның мақсаты – студенттердің оқуға деген назарын аудару, кітапқа деген қызығушылықтарын арттыру. Кітаптан алған білімін өмірде қолдануды үйренген студенттер барлық істе, соның ішінде кәсіпкерлік жобаларда да жетістікке жете алады.

БІЗДІҢ МІНДЕТІМІЗ:
• Студенттеріміздің білімді болуына көмектесу;
• Студенттерді әртүрлі бағыттағы әдебиеттермен таныстыру;
• Ойлау және өзіне деген сенімділікті дамыту.

Клубқа мүше болу үшін iSpace бизнес-инкубаторы және Эко-кампусты дамыту бөліміне хабарласуға болады.

«ISPACE 137»  БЕЛСЕНДІЛЕР ТОБЫ

«Ispace 137»  белсенділер тобы 2021 жылы құрылған. Қазір командада 16 оқушы бар.
Топ масаты: Жастарды қолдау, студенттер үшін жақсы қоғам құру. Олардың қабілеттері мен қабілеттерін дамыту. Ұжым «Кинокорсетилим», «Break Party», «Open the Door party», «Аниме вечеринка», «Дворец Тайн», «Для тебя» сияқты іс-шаралар ұйдастырды.
Open the Door party – университеттің 1 курс студенттерін жылы қарсы алу үшін ұйымдастырылған кеш.
Break Party – мақсат студенттерге оқу жылының бірінші күнінде жақсы көңіл-күй сыйлайды.
Anime party – көптеген жастардың қызығушылығын ескере отырып, аниме арқылы жастарды жапон мәдениетімен таныстыру мақсатында ұйымдастырылған кеш.
The chamber of secrets(Тайная комната)- әйгілі Гарри Поттер фильмінің шыққанына 20 жыл толуына арналған шығармашылық кеш.
For you – бұл кештің мақсаты студенттердің бір-бірімен қарым-қатынасын арттыру, жаңа танысу, достасып, шай ішіп көңілді кеш өткізу.