«Ақпараттық технологияларды дамыту жағдайында жеке және отбасылық өмірді құқықтық қорғауды іске асыру мәселелері»

ЖОБАНЫҢ ҚЫСҚАША СИПАТТАМАСЫ

1. Жоба тақырыбы атауы
   «Ақпараттық технологияларды дамыту жағдайында жеке және отбасылық өмірді құқықтық қорғауды іске асыру мәселелері»
2. Жоба рефераты (абстракт)
    Осы жоба ақпараттық технологияларды дамыту жағдайында жеке және отбасылық өмірді құқықтық қорғауды іске асыру проблемаларын кешенді зерделеуге, жеке өмір туралы ақпаратқа қол сұғылмаушылық құқығының заңдық сипатын айқындауға байланысты туындайтын өзекті теориялық және практикалық проблемаларды анықтауға және шешуге бағытталған. Зерттеу қорытындылары бойынша жеке өмірге қол сұғылмаушылық құқықтарын қорғау саласындағы ұлттық заңнаманы, басқа да нормативтік реттеушілерді жетілдіру бойынша практикалық ұсынымдар мен ғылыми негізделген ережелер әзірленетін болады. Зерттеудің жүйелі-құрылымдық, социологиялық, статистикалық, салыстырмалы, логикалық және өзге де әдістерін қолдану көзделеді. Әлеуетті тұтынушылар: Қазақстан Республикасының Құқық қорғау органдары, Қазақстан Республикасының цифрлық даму, инновациялар және аэроғарыш өнеркәсібі министрлігі, Қазақстан Республикасының Білім және ғылым министрлігі, ҚР ЖОО және ғылыми ұйымдары.

3. Жобаның мақсаты мен міндеттері
   Жобаның мақсаты – ақпараттық технологияларды адам мен азаматтың құқықтарын қамтамасыз етудің конституциялық негізі ретінде дамыту жағдайында жеке және отбасылық өмірді құқықтық қорғау институтын зерттеу; сондай-ақ жеке өмірге қол сұғылмаушылық құқықтарын қорғау саласындағы ұлттық заңнаманы, басқа да нормативтік реттеушілерді жетілдіру бойынша практикалық ұсынымдар мен ғылыми негізделген ережелер әзірлеу.

Жобаның міндеттері:
1. Жеке адамның конституциялық құқықтары жүйесіндегі жеке және отбасылық өмірге қол сұғылмаушылықты қорғауға құқықтың орнын анықтау;
2. Жеке және отбасылық өмірге қол сұғылмаушылықты қорғау құқығының мазмұнын айқындайтын нормативтік-құқықтық актілерді талдау;
3. Ақпараттық технологияларды дамыту жағдайында жеке және отбасылық өмірді құқықтық қорғауды жүзеге асыру бойынша шетелдік тәжірибенің озық тәжірибесін зерттеу;
4. Ақпараттық технологияларды дамыту жағдайында жеке және отбасылық өмірді құқықтық қорғауды қамтамасыз етудің қазіргі жай-күйі мен даму перспективаларын зерделеу;
5. Ақпараттық технологияларды дамыту жағдайында жеке өмірге қол сұғылмаушылық құқықтарын қорғау саласындағы ұлттық заңнаманы, басқа да нормативтік реттеушілерді жетілдіру жөнінде практикалық ұсынымдар мен ғылыми негізделген ережелер әзірлеу.

4. Түйін сөздер
Құқықтық қорғау, жеке өмір, қол сұғылмаушылық, адам құқықтары, конституциялық құқық, Ақпараттық технологиялар, азамат, ұлттық заңнама.

Тізімге қайта оралу