Тіркеу номері: 0121РКИ0108
Жоба жетекшісі: Асанова Бактыгул Унгарсиновна

Жобаның мақсаты: Жобаның мақсаты зерттеу нысаны болып табылатын баяу кокстеу қондырғысы (БКҚ) негізгі агрегаттарының модельдерін бастапқы ақпараттың айқын еместігін ескере отырып құру және модельдер көмегімен зерттеу нысанының жұмыс режимдерін маман-эксперттер интеллектісі негізінде шешім қабылдау эвристикалық тәсілдемесін жасақтап, практикада қолдануға ұсыну.

Жобаның ғылыми жаңалығы:

1. Баяу кокстеу қондырғысы мысалында технологиялық жүйенің, яғни өзара байланысқан технологиялық агрегаттардың модельдер жүйесін түрлі ақпараттар негізінде құру үшін ұсынылатын әдістеменің жаңашылдығы жүйелік тәсілдемені қолдануда, атап айтқанда, жүйе негізгі агрегаттарының құрылуы мүмкін модельдер типтері жүйелі талданып, әр агрегатқа, таңдалған критерийлер бойынша, ең оптималды модель түрі анықталып, қол жетімді ақпараттар негізінде құрылатын болады. Содан кейін олар технологиялық процесстің жүру схемасына сәйкес бір модельдер жүйесіне біріктірлетін болады.

2. БКҚ оптималды жұмыс режимдерін айқынсыздықта таңдауға арналған шешім қабылдау тәсілдемесінің басқа тәсілдемелдерден ерекшелігі, ұсынылатын тәсілдемеде айқын емес ортада нысанның тиімді жұмыс режимдерін анықтауға оператор-технолог интеллектісін қолдануға негізделген.

3. Айқын емес ортада шешім қабылдау үшін ұсынылған және қолданылған эвристикалық тәсілдемелер зерттеліп, өндірістік тәжірибеде жұмыс нәтижелерін  апробациялау нәтижелері алынатын болады, оның тиімділігі негізделеді.

Жұмыста алынатын нәтижелер, атап айтқанда, бастапқы ақпараттың жетіспеушілігі мен айқын еместігі жағдайында өндірістік технологиялық жүйелердің математикалық модельдерін құру әдістемесі мен құрылатын модельдер көмегімен нысан параметрлерін  оптимизациялау үшін шешім қабылдау тәсілдері мұнай өңдеу және басқа да өндіріс салаларының технологиялық жүйелерінің модельдерін құруға, олардың оптималды жұмыс режимдерін анықтауға  мүмкіндік беретін болады.

Тізімге қайта оралу