Номер госрегиcтрации:  0120РКИ0098
Жоба жетекшісі: Ахмет Аққали Қабижанұлы
Жұмыстың мақсаты: Қазақстанның батыс өлкесіндегі өзіндік орны бар – Х.Досмұхамедов атындағы Атырау университетінің 70-жылдық тарихын, білім және ғылым саласында және мәдени-әлеуметтік дамуына еркеше еңбек сіңірген тұлғалардың өлкедегі білім беру саласына қосқан еңбектерін тарихи тұрғыдан бағалау.

Зерттеудің жаңалығы: Архив деректері негізінде Атырау мемлекеттік мұғалімдер институты 1940 жылы ашылып, 1941 жылы Ұлы Отан соғысының басталуына орай жабылғаны дәлелденді. 1940-41 оқу жылында студенттер қабылдап, олар екі факультетте оқыған. Сондықтан да, Х.Досмұхамедов атындағы Атырау университеті бастауын 1940 жылдан алатындығы архив қорларындағы құжаттар арқылы нақтыланып, дәлелденді.

Зерттеу нәтижелері: Жоба мүшелері Х.Досмұхамедов атындағы Атырау университеті бойынша әр құрылымдық бөлімше бойынша, әр оқытушы-профессор, қызметкер бойынша ақпараттық мәліметтер жинады. Ғылыми конференцияларға, семинарларға қатынасып, мақалалар жариялады және бұқаралық ақпарат құралдарына сұхбаттар берілді. Зерттеу нәтижелері бойынша жоғары аттестациялық комитеттің журналдарына және республикалық, халықаралық конференцияларда жарияланды.

Тізімге қайта оралу