6 қазан 2021 жыл

      Х.Досмұхамедов атындағы Атырау университетінің Акт залында «Хаттар Дүйсемәлиевтің музыкалық мұрасы» атты кітаптың тұсаукеср-концерті өтті. Бұл шара Ғылыми мектеп нәтижесінде жарық көріп отыр және Хаттар Дүйсемәлиевтің туғанына 95 жыл толуына арналды.
       

Кітап лентасын университет ректоры Саламат Идрисов пен профессор Қадір Жүсіп қиды.

    Кешті жоба жетекшісі, өнертану кандидаты Бақыт Тұрмағамбетова ұйымдастырып, жүргізді.

    Жобаға қатысушы студенттер ректор Алғыс хатымен марапатталды.

              Кеште Х.Дүйсемәлиевтің «Оралым», «Дейде екен», «Сағыныш», «Жандайшап», «Жаз таңы», «Жазсам бітпес жырсың сен» және т.б. әндері ҚР Мәдениет қайраткері Елемес Мағазовтың, кафедра оқытушысы әнші Ақкенже Шаужанованың және студентердің орындауында шырқалды.

         Хаттар Дүйсемәлиев туралы жоба аясында Атырау Телеарнасы «Дала даналығы» бағдарламасы бойынша 20 минуттық хабар түсірді. Хабарға жоба жетекшісі Бақыт Жолдыбайқызы, жобаға қатысушы Бибіхан Ғазымова, Сабыржан Жұмағұлов және Хаттар әндерін орындаушы студенттер Айдын Кітапқали, Айдана Табылдиева, Әбіл Нығметовтер түсті.  Хабар Атырау арнасында 18-ақпанда эфирден жіберілді.