Қазақ халқының тарихи ұлы тұлғалары
Келер күнге Тәңірі жар, тілеушісі болса. / халық даналығы /
2023 жылы адамзаттың күнтізбесінде аталып, еске алынатын күндердің қатарында елімізге, әлемге әйгілі ойшыл, батыр, даналар бар: Қожа Ахмет Ясауи (930 жыл), Сұлтан Бейбарыс (800 жыл), Төле Би (360 жыл), Махамбет Өтемісұлы (220 жыл), Құрманғазы Сағырбайұлы (200 жыл). Осыған орай, ғылыми кітапхана қызметін пайдаланушыларына «Қазақ халқының тарихи ұлы тұлғалары» тақырыптық, ашық, қолжетімді әдіспен кітап көрмесін ұйымдастырды. Оқырмандардың назарына Хожа Ахмет Ясауидің «Хикметтер: даналық кітабы», «Әлемдік педагогикалық ой-сана» 10 томдық, «Қазақ халқының философиялық мұрасы» 20-томдық, «Ежелгі дәуір әдебиетінің антологиясы» 5 томдық басылымдары, «Түркі әлемінің көшбасшылары», Досай Кенжетайдың «Қожа Ахмет Ясауи дүниетанымы» монографиясы, «Жыр маржаны» Мереке баспа үйлерінен жарық көрген 12 томдық туындысы, «Ясауи әлемі» ғылыми-көпшілік тарихи-танымдық журналдары; Бейбарыс Сұлтан туралы Қ.Жүсіптің «Ұлы тұлғалар», «Таңғажайып Бейбарыс» монографиясы, Қайрат Сәкидің «Қыпшақ Мәмлүктер», «Ер қаруы –бес қару», «Юрта на вершине пирамиды», С. Абдрахмановтың « Әз-Зәкір Бейбарыс сұлтанның ғұмырнамасы» , Б.Қарашинның «Бейбарыс: эпоха и личность» қызығушылық тудыратыны сөзсіз. XVIII ғасырда өмір сүріп, көзінің тірісінде алты алашқа әділдігімен аты шыққан бабамыз, әз Төленің қажырлы еңбегін ақындар жырласа, ғалымдар зерттеген. С.Дәуітұлының «Төле би», Төреқұлов Н.,Қазбеков М. жазған «Қазақтың би-шешендері», Ө.Озғанбайдың «Тарихи тұлғалар тағылымы», М.Жолдасбекұлы, Қ.Салғараұлы, А.Сейдембекұлының құрастырған «Елтұтқа», «Знатные и деловые люди Казахстана» осыған дәлел.
Саз әлемінде айрықша орны бар күйші Құрманғазы Сағырбайұлы шығармашылығы туралы А.Жұбановтың «Ғасырлар пернесі», Қ.Ахмедияровтың «Құрманғазы», Ө.Әлімгереевтің «Құрманғазы», Х.Табылдиев, М.Жолжановтың «Құрманғазы Сағырбаев» зерттеу жинағы, Қ.Кенжеғалиқызының «Құрманғазы неге атанды бұзақы...», И.Кенжеалиевтің «Қос ішек» басылымдары толық мағлұмат береді.
«Дүние -үлкен көл, заман –соққан жел,
Алдынғы толқын - ағалар, кейінгі толқын –інілер, кезегімен өлілер.., баяғыдай көрінер» Абай жырлағандай, Қазақ халқының батыры, жерлесіміз Махамбет Өтемісұлының 220 жылдығына арналып «Махамбет әлемі –Мир Махамбета», «Махамбет кітапханасы» сериясымен шыққан 20 томдық басылым, Б.Қорқытовтың «Атырау билері мен батырлары», «Атырау ақын-жазушыларының кітапханасы» 100-томдық басылым, К.Есмағамбетовтың «Азат рухтың күрескері» еңбегі, Л.Бердіғожиннің «Исатай-Махамбет: азаттық күрес сардарлары» монографиясы, т.б. ақынның шығармашылығын зерттеу материалдары ұсынылды.
Кітап көрмесіндегі әдебиеттермен танысып, оқып, танымдық-ғылыми-зерттеу жұмыстарын жалғастыруға шақырамыз. (Ғылыми кітапхана, 105 ауд., )
