Мерейтойлық іс- шаралар

02.03.2020 Конференцияны филология ғылымдарының докторы, профессор Жүсіп Қадыр Өтегенұлы жүргізіп, алғы сөзді педагогика ғылымдарының кандидаты, профессор, Х.Досмұхамедов атындағы Атырау мемлекеттік университетінің ректоры Идрисов Саламат Нұрмұханұлына жолдады. Ректор Саламат Нұрмұханұлы өз сөзінде «С.Қазыбайұлы мектептерде бала оқытудан бастап, Х.Досмұхамедұлы атындағы Атырау мемлекеттік университетінде оқытушы, профессор болып, қазақ тілі мен әдебиетінен 40 жыл көлемінде дәріс берген ұлағатты ұстаз. С.Қазыбайұлы, талантты, ізденімпаз жанның алға қойған мәселесі - көпшілік жұртқа білім беру, мәдениет, ғылым саласын өркендету, мектептерге арнап оқулықтар, әдістемелік еңбектер, бағдарламалар ісіне ден қойғаны оның өмірінен, іс-әрекетінен айқын байқалады»,- деп атап өтті. Конференция барысында, «Ғұлама ғалым, ұлағатты ұстаз» тақырыбында филология ғылымдарының докторы, профессор Қадыр Жүсіп Өтегенұлы, «Өмір жолы өнегелі ғалым» тақырыбында филология ғылымдарының кандидаты, қауымдастырылған профессор Мұхамбетов Жомарт Ибатоллаұлы, «Профессор Сабыр Қазыбайұлының Мұрат ақын шығармашылығы хақындағы ойлары» тақырыбында филология ғылымдарының кандидаты, М.Өтемісұлы атындағы Батыс Қазақстан мемлекеттік университетінің доценті Аронов Құспан Ғұмарұлы, «С.Қазыбаев еңбектеріндегі сабақтас құрмалас сөйлемдерді оқыту әдістері» тақырыбында филология ғылымдарының кандидаты Аташев Серік Мұратұлы баяндама жасады. Конференцияға қатысқандар қатарында, университеттің профессор-оқытушылары және студенттері болды. Профессор Сабыр Қазыбайұлының 105 жылдық мерейтойына орай ұйымдастырылған жиын секциялық жұмыстар арқылы жалғасатын болады. Айта кетейік, секциялық жұмыстар «Профессор С.Қазыбайұлы және әдебиеттану мен фольклортану мәселелері», «Профессор С.Қазыбайұлы:қазақ тілі және оқыту әдістемесі мәселері» және «Профессор С.Қазыбайұлының педагогика идеялары мен тәжірбиесі» тақырыптарында профессор-оқытуышылардың қатысуымен өтеді.
Теги: 
Количество показов: 295