Мерейтойлық іс- шаралар

Жиынды ғылым жөніндегі проректор С.Н.Идрисов жүргізді.

-         Қазақтың белгілі жазушысы Әбдіжамал Нұрпейісов Жайықта туған Рақымжан Отарбаевқа «Қазақтың Чеховы» деп баға берген. Айтқандай-ақ, Рақымжан ағамыз жазушы ойынан да оқырман көңілінен де шынайы бағасын алған біртуар тұлға бола білді. Жазушының тік мінезділігі, «сөзді» қадірлдеу қасиеті тумысынан қалыптасқан болса, ол сол бір қасиетке басын ие білген жан, - деп Саламат Нұрмұханұлы жазушы шығармашылығы туралы кеңінен айту үшін сөз кезегін меймандарға жолдады.

-Рақымжанның есімін елге танытуда көптеген жұмыстар жасалуда. Өзінің тірі кезінде қалыптастырып, іргетасын қалаған фестиваль жолға қойылды. Бүгін соның жалғасы болып жатыр. Алайда, үлкен монография жазылуы керек. Оның «Бас» деген романының өзі қазақтың трагедиясы. Ол қоғамның үнін, дауысын жеткізе білді, - деді Аманкелді Кеңшілікұлы.

Рахымжан Отарбаевтың ұлы Ермерей Рахымжанұлы жиынға қатысқан ұстаздар мен студенттердің ыстық ықыласына ризашылығын білдірді.

- Осы шара басталғалы халықтың отансүйгіш қасиетін, әкеме, оның шығармашылығына деген құрмет сезімін байқап отырмын. Сондай-ақ, осы кездесуге келген баршаңызға әкеме деген сый-құрметтеріңіз үшін алғысымды айтамын, - деп Е.Отарбаев лебізін білдірді.

Кездесуге келген қонақтар қатарында Халықаралық «Алаш» әдеби сыйлығының лауреаты Аманкелді Кеңшілікұлы, «Рақымжан Отарбаевтың «Руханият» қоры» директоры Сәуле Жаманбайқызы Отарбаева, Рахымжан Отарбаевтың ұлы Ермерей Рақымжанұлы Отарбаев, ақын Айжан Табарак және т.б. қонақтар бар.