Халықаралық серіктестік жоба аясындағы шара
1 маусым Халықаралық балаларды қорғау күні Х.Досмұхамедов атындағы Атырау университеті, Инновациялық білім беру факультеті, Психология және арнайы білім беру кафедрасы оқытушылары Канада Саймон Фрейзер университетінің (Siman Fraser University) профессоры Роберт Уильямсоннның «Білім беру жолдары: мүмкіндігі шектеулі балалардың білім беру тәжірибесін бағдарлайтын салыстырмалы халықаралық зерттеу» халықаралық серіктестік жобасы аясында Сириядан келген екі отбасы және олардың балаларымен кездесу ұйымдастырды. Кездесу барысындабалаларды мерекемен құттықтап, оларға сыйлықтар таратылды және педагогикалық-психологиялық, логопедиялық көмек көрсету тренингтері, ойындар өткізілді.
Кездесуді Әлеуметтік мәселелер және жастар саясаты жөніндегі проректоры, әрі жобаның мүшесі Л.Е. Койшыгулова келген қонақтарды, ата-аналары мен балаларды мерекемен құттықтау сөзімен ашты. Сонымен қатар, жоба құрамындағы мүшелер Инновациялық білім беру факультетінің деканы А.У. Мухамбетжанова, Психология және арнайы білім беру кафедрасының меңгерушісі Г.К. Шугаева, Көптілді білім беру факультетінің деканы А.А. Султангубеева, Психология және арнайы білім беру кафедрасы оқытушылары Ж.Н.Сабирова, Ж.С.Бекжанова, Г.Б.Гумарова қатысып, кездесудің қызықты да мағыналы өтуіне ат салысты.
Ата-аналарымен отбасы қарым-қатынасы, балаларының сабақ үлгерімі, олардың қызығушылығы мен қабілеттілігі туралы әңгімелесу болды. Екі жанұяның да балаларының ерекшеліктерін зерттеп, оларға түзету бағытында көмек ұсынылды. Кафедра психологтарының ұйымдастыруымен балалардың және ата-аналардың есімдеріментанысу үшін ортаға шығарып, аттарына байланысты өздерінде қандай жақсы қасиет бар екендігі; «Алақан» суретін салу арқылы олардың эмоциональды көңіл күйін, тұлғалық дамуын; «Жұптасу» жаттығу арқылыбалалардың бір-біріне жақындығы; «Орын ауыстыру» жаттығуы арқылы балалардың есте сақтауы және қимыл қозғалыстарын дұрыс басқара білуі, «Эмоциональды интеллектіні» дамыту әдістемесі негізінде суреттерді ұсыну арқылы өздерінің эмоциясын анықтады.
Жанұялар туралы айтатын болсақ, Жанаргулдің екі баласы бар: Малика 5 жаста, Мунира 6 жаста. Самал есімді ханымда 5 бала бар, олар Ислам 14 жаста, Ибрагим 13 жаста, Аюб 9 жаста, Айша 10 жаста, Зайнаб 5 жаста.
Бұл отбасылардың балаларына логопедиялық та, білім беру пәндері (қазақ тілі, математика, және басқа да сабақтардан) бойынша көмекті қажет етіп отыр.
Шара соңында аналары және балаларыда оларға қызықты тренинг болғанын айтып, өз ризашылықтарын білдірді. Біздің тарапымыздан да олармен алдағы уақытта осындай жұмыстардың жалғасын табатыны сөзсіз.
ПІКІРЛЕР