III Халықаралық педагогикалық форум өтті
23 желтоқсанда ҚР Білім және ғылым министрлігінің Жоғары және жоғары оқу орнынан кейінгі білім департаменті, Атырау облыстық Білім басқармасы және Х.Досмұхамедов атындағы Атырау университетінің ұйымдастыруымен «Жаңа Педагогика: трендтер, құзыреттілік, мазмұны» атты III Халықаралық педагогикалық форумы өтті. Онлайн форумға педагогикалық қауымдастықтың өкілдері мен сарапшылар, білім беру ұйымдарының басшылары, жаңашыл педагогтар мен практик-педагогтар, білім беру басқармасының қалалық және аудандық білім бөлімдерінің өкілдері қатысты.
Форумның мақсаты – тиімді құралдармен, білім беру тәжірбиесімен, білім беру мекемелердің қалыптасқан модельден сандық модельге көшудің стратегиясымен алмасу және жаңа педагогикалық қалыптастыру.
Іс-шараны Х.Досмұхамедов атындағы Атырау университетінің академиялық сұрақтар жөніндегі проректоры Өтепкалиева Қансұлу Мұсақызы жүргізіп, алғы сөзінде форум жұмысына сәттілік тіледі.
Педагогикалық форумда инклюзивті білім профессоры Роберт Уильямсон, педагогикалық ғылымдарының докторы, профессор, Жоғары білімнің мемлекеттік бюджеттік білім беру мекемесі педагогика кафедрасының меңгерушісі Панькин Аркадий Борисович, EDCRUNCH конференциясының негізін қалаушы және бағдарламалық директоры, EDCRUNCH UNIVERSITY HИTY «МИСиС» Орталығының директоры Қиясов Нурлан, тарих ғылымдарының кандидаты, Атырау облысы білім беру басқармасының басшысы Есенғалиев Сатқан Ыбырайұлы, педагогикалық ғылымдарының кандидаты, доцент, директор Центра педагогических исследований НАО «Павлодар педагогикалық университеті» КеАҚ Педагогикалық зерттеу орталығының директоры Джарасова Гүлжан Сағидоллақызы, философия ғылымдарының докторы, «С.Өтебаев атындағы Атырау мұнай және газ университеті» КеАҚ ректорының кеңесшісі Қанағатова Алмагүл Медихатқызы және экономика ғылымдарының кандидаты, Х.Досмұхамедов атындағы Атырау университетінің академиялық сұрақтар жөніндегі проректоры Өтепкалиева Қансұлу Мұсақызы баяндама жасап, өз тәжірибелерімен бөлісті.
Қазақ, орыс және ағылшын тілдерінде жүргізілген форум үш бөлімге бөлінді. Яғни, пікір-сайыс алаңында кәсіби қауымдастықпен ұлттық және халықаралық тәжірбиелердің дамуын, коммуникациялық алаңда қатысушылар арасында кәсіби және жеке байланыстарды құру және нығайту, көрме алаңында білім берудің технологиялары мен перспективалық ғылыми бағыттары бойынша ұсыныстары таныстырылды.
Форум барысында, «Covid-тен кейінгі кезеңдегі білім берудің трендтері», «жаңа педагогика:әдіснама, білім беру дизайны, құзыреттілік, технологиялар», «педагогикалық университтер мен колледждерде маман даярлаудағы жаңа сын қатерлер», «сандық педагогика:құралдар, плаформалар, жаңа дағдылар», «үздіксіз педагогикалық білім беру: контенттер, технологиялар, ресурстар», «кадр дайындауда кәсіби үстемділікті дамыту:оқытудағы жаңа дизайн» сынды сұрақтар талқыланды.
ПІКІРЛЕР