Сариев Амангелди Дулатович
ӨМІРБАЯН
Сариев Аманкелді Дулатұлы 1951 жылы 10 қаңтарда Оңтүстік Қазақстан облысы, Ащысай поселкесінде дүниеге келген. 1969 жылы қазақ орта мектебін алтын медальмен бітіріп, осы жылы Қазақ Мемлекеттік университетіне түсіп, 1974 жылы механика-математика факультетінің математика мамандығын бітірді. 1974-1986 жж. ҚазССР Орта және Жоғары Білім министрлігінің жолдамасымен Гурьев Педагогикалық институтында қызмет жасады. 1986-2002 жж. Алматы қаласындағы сәулет-құрылыс институтының жоғары математика кафедрасына оқытушы, доцент болып жұмыс атқарды. 1991 жылы 18 сәуірде «О корректности «в целом» некоторых обратных задач переноса» атты кандидаттық диссертациясын ф-м.ғ.д., академик У.М.Сұлтанғазиннің жетекшілігімен сәтті қорғады. 1993 жылы ҚР Білім және ғылым министрлігінен «Доцент» ғылыми дәрежесін алды. 2002-2004 жж. аралығында Атырау мұнай және газ институтының біліктігін артыру орталығында директор, 2004-2006 жж. «Жоғары математика» кафедрасының меңгерушісі, 2006-2011 жж. түлектерді жұмысқа орналастыру бөлімінің менгерушісі, 2011-2014 жж. математика және информатика кафедрасының меңгерушісі кызметерді атқарды. 2014 ж. қыркүйек айынан бастап Досмұхамедов атындағы Атырау мемлекеттік университетінің математика және математиканы оқыту әдістері кафедрасының профессоры. Сариев Аманкелді Дулатұлының барлығы 135 ғылыми және әдістемелік мақалалары бар. Оның ішінде 106 ғылыми және 29 әдістемелік мақалалар. А.Д.Сариев 2006 жылы «О корректности в целом некоторых обратных задач переноса излуении» атты ғылыми монографияны Алматы қаласының «Ғылым» баспасынан жарыққа шығарды. Ол үнемі ғылыми ізденіс үстінде. 2004 жылдан бастап, жыл сайын ҚР Білім және ғылым министрлігінің өкілі ретінде мектеп түлектерін бірыңғай ұлттық тестілеуді, абитуриенттерді кешенді тестілеуді, студенттерге мемлекет аралық бақылауды ұйымдастыру мен өткізуге белсене ат салысып қатысты. Нәтижесінде ҚР Білім және ғылым министрлігінің Ұлттық тестілеу орталығының алғыс хаттарына ие болды. Сонымен бірге, 2010 ж. 17 тамызда ҚР Білім және ғылым министрлігінің Қазақстан Республикасының білім беру жүйесін дамытуға қосқан зор үлесі үшін министрдің алғыс хатына ие болды. А.Д.Сариев Білім және ғылым министрлігінің, облыстық, қалалық әкімшілік, Атырау мұнай және газ институтының атынан білім беру саласына қосқан үлесін ескеріп, бірнеше рет құрмет грамотасымен, Алтынсарин атындағы төс белгімен марапатталды. Бюджеттік формадағы мемлекеттік тапсырыс бойынша, қолданбалы ғылыми зерттеу жұмысында «Микробиологические основы стабилизации и улучшения качества рыбных продуктов» (ҚР Білім және ғылым министрлігінің), ҚР Ауылшаруашылығы министрлігінің Дүниежүзілік банкпен бірлескен «Внедрение и распространение знании новых технологии стабилизации рыб и рыбного филе на микробиологической основе» және «Разработка и внедрение в производство приготовление качественных рыбных колбас по новой технологии» – атты шағын гранттық жобалар бойынша зерттеу жұмысын жүргізуге өз үлесін қосып келеді. А.Д.Сариев ғылыми жұмыс саласында физика-математика ғылымдарының кандидаты атағын алу үшін қорғалған үш оқытушының кандидаттық диссертациясына ресми оппонент болып бекітіліп, олардың сәтті қорғауына атсалысты. Үлгілі отбасы, жанұяда 4 бала, 6 немере тәрбиелеуде.