Бекова Гүлдана Таңбайқызы

                         ӨМІРБАЯН

    Бекова Гүлдана Таңбайқызы 2007 жылы Қазақ мемлекеттік қыздар педагогикалық институтының физика – математика факультетінің физика кафедрасын бітіріп, 2009 жылы Х.Досмұхамедов атындағы Атырау мемлекеттік университетінің «6N0604-Физика» мамандығы бойынша магистратураға оқуға түсті. Магистратураны ойдағыдай аяқтағаннан кейін сол аталған жоғары оқу орнындаоқытушы, аға оқытушы, ғылым жөніндегі деканның орынбасары қызметтерін атқарып жүр. Л.Н. Гумилев атындағы Еуразия ұлттық университетінің физика -техникалық факультетінің жалпы және теориялық физика кафедрасына докторантураға оқуға түсіп, теориялық курсын жоспар бойынша аяқтады және қазіргі уақытта ғылыми жетекшісі ф.- м.ғ.д., академик Р. Мырзақұлов жетекшілігімен орындалған «Солитондар теориясы негізіндемагнетиктердегі толқындық процестерді модельдеу» тақырыбындағы «6D060400-Физика» мамандығы бойынша PhD докторлық диссертация қорғау жоспарлануда. Гүлдана Таңбайқызы - кәсіби біліктілігі жоғары, қазіргі білім беру технологияларын, теорияның функционалды негіздерін, теориялық физиканы оқыту әдістерін, дәстүрлі және инновациялық білім беру жүйесін ұтымды қолдана білетін оқытушы. Жоғары педагогикалық шеберлігі мен білім мен ғылымға қосқан елеулі үлесі үшін Бекова Г.Т. «ЖОО үздік оқытушысы-2019» атағының иегері атанды. Сонымен қатар, университеттің жас ғалымдар кеңесінің төрағасы болып табылады. Г.Бекова 40 -тан астам ғылыми еңбектердің авторы, оның ішінде 12 -ден астам мақаласы Web of Science (Clarivate Analytics) және Scopus мәліметтер базасына енгізілген шетелдік журналдарда жарияланған.